Ai jingiarap ka KSU ia ka long iing ba shah pynjulor ha ka jingpluh ding ha Mynriang

Shillong, Nailar 01: Ka KSU Mawryngkneng Circle mynta ka sngi ka 1.7.2020 sa shi sien pat ka lah ioh ban noh jingiarap biang ia kawei ka long iing ka ba lah mad ia ka jingjia ka ba sngewsih ha kaba ka iing kaba ki shong ka lah shah bam duh noh ha ka ding ha shnong Mawryngkneng.

Ha kane ka jingjia ba sngewsih kane ka long iing kala shah pynjulor ha kaba wat tang i wei I jain kup ne jain phong ne ki tiar ki tar ruh kim ioh shuh, ka seng mar sien ioh jingtip bad katba lah ha kabor barit ka leit ai jingiarap da ki tiar ba don kam kum u khaw, ki tiar shet tiar tiew ha ka 27.7.2020 hapoh ka jingialam u General Secretary ka KSU Mawryngkneng bad lah na ka liang ka Mynriang unit ruh ka lah noh da ka pisa sha kane ia long iing.

Sa shi sien ka Seng mynta ka sngi ka lah noh jigiarap biang da ka tin san ban bad ha shuwa ban aiti ia kane ka jingiarap lah ioh ban pynlong shuwa ia I jingialang ba lyngkot kaba lah pyniaid da u General Secretary ka KSU Mynriang Unit bad lah ioh ia ka jingkren na u Samla Khienkor Kharngi General Secretary Ka KSU Eastern Central Area Unit bad lah ioh ia ka jingkren ruh na u Samla Shiningstar Kharbihkhiew President Ka KSU Mawryngkneng Circle bad lah ioh ia ka Jingkren khatduh na ka liang ka Seng da  u Samla Vincent Makri dkhot (CEC).

Ha ka juh ka por i u badei peit ia ka Eastern Central Area Unit bad khatduh eh lah ioh ia ka jingkren na u Kpa jong kane ka long iing kaba lah ia kynduh ia ka ne ka jingeh khatduh na ka liang ka seng baroh kawei hi kan pyrshang ban wad ki lad ki lynti ban nang ioh ban iarap ia kane ka long iing la ong u Samla Skhem Shadap General Secretary KSU Mawryngkneng Circle.

What Next?

Recent Articles

Leave a Reply

Submit Comment

*