Shillong, Nohprah 09: Mynta ka miet u Myntri Rangbah ka Jylla u Conrad K Sangma u la ia kynduh ia u Lat ka jylla u Satya Pal Malik ban ia kren hal or ka Inner Line Permit bad ia ka MRSSA.
Haba kren ha ki lat pathai khubor ha khyrdop iing jong u Lat, u Myntri Rangbah u la iathuh u la ia kren bad u Lat hal or ka ILP bad ia ka MRSSA bad na ka liang jong u Lat u la pynpaw ia ka jingsngew khia ka jong u hal or kine ki ar tylli ki mat bad u la ong ba na ka liang jong u Lat un sa shim khia ban ia kren bad ka tnad kam pohiing ka sorkar pdeng bad u la kyntu ba ka sorkar ruh kan bud di en ia kane.
Ha kane ka jingia kynduh u Lat ka jylla u la pynpaw ba na ka liang jong u ruh u don ka juh ka jingsngew khia kumba long ki paidbah nongshong shnong ka jylla bad u la ban ba un shim khia ban ia kren bad tnad kam poh iing ka sorkar pdeng ba kan iaid sha khmat haba ia dei bad kane.
Ha kane ka jingia kynduh la ong ba u Lat ka Jylla un leit sha Delhi ban ia kynduh ia u Myntri Kam poh iing ka sorkar pdeng ha di en ka 17 tarik mynta u bnai Nohprah 2020 bad kane ka jingleit kan long ruh bad kiwei ki nongialam bad don jingkyrmen ba kan seisoh. Kin ap ia ka jingmih na kane ka jingleit u Lat bad ha ka juh ka por ka jingiakren kan iai bteng.
Haba la kylli kiei ki bynta ba U Lat ka jylla u kwah ban ioh ia ki jingpynshai halor ka MRSA, u Myntri Rangbah u la ong kam don shuh ka jingpan jingpynshai namar u Lat u la peit ia baroh kawei ka phailaai haba ia dei bad kane ka Bill bad u la ong kabar lah ban leh, hynrei ki don ki bynta ban dang ia kren bad ka sorkar pdeng namar kala don ka jingiakren mynshuwa.
Ka long kaba don kam ban ia kren bad ka tnad kam poh iing ka sorkar pdeng ban pyniaid sha khmat ia ka kam.
La iathuh ba ia ka ja ka ring jaka mih ha Umling Ri Bhoi District yn plie ha ka 16 tarik mynta u bnai. La iathuh ba lieng suin na Delhi sha Shillong kan sdang ha ka 21 tarik mynta u bnai kane ka liensuin kan dei kaba lah ban ngiam 72 ngut ki nongleit nongwan.
