Ujor ka JSU purshah ia ki shipai BSF ba don ha Muktapur BOP sha u IG

Shillong, Lber 6: Ka JSU War Jaintia Circle ha ka 5 tarik March 2021 ka la buh ka Jingujor sha u Inspector General ka BSF Meghalaya Frontier pyrshah ia ki shipai ka BSF ha Muktapur BOP lyngba ka shithi na u bah Eddy Kery Pohtam, President ka seng hadien ba bun na ki nongshongshnong ka Muktapur ki la ud la nam ia ka jingleh baheh kine ki shipai hapoh shnong ha kaba dang shen kine ki shipai ki la siat pynsyier hapoh shnong ha ka 1/03/2021.

“Kane ka jingleh donbor ki shipai hapoh Muktapur ka pynlong ia ki nongshongshnong ban sheptieng ia ki shipai hala ki ing lajong ” la ong,u Eddy Kery Pohtam, President JSU war Jaintia circle.

Ks JSU ka la dawa ba ki BSF ki la dei ban pahara kham bha sha u khappud namar ba don bun ka jingthombor na ki khar Bangladesh kiba myllien ban tuh bad pynjot ia ki kwai bad kiwei pat ki jingrep ki jong ki khlem ka jingpynwit ne jingshah pynshitom na ki BSF.

Ka JSU ka la dawa ruh ban weng noh mardor ia ki shipai BSF kiba ieng ha ki surok ba iaid ki nongshongshnong khnang ba kin don ka jingsngewshngain hapoh shnong bad ruh kiba hajan shnong bad ba kan nym don ka jingjia ba sngewsih. Kane ka long katkum ka kyrwoh bala phah da u bah Eddy K  Pohtam.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet