La pyntreikam 6 tylli ki lynti iaid lienguin ha ka thain shatei lammihngi ka Ri India

New Delhi, Lber 30: Ha ka jingbteng ia ka jingpyrshang ban pyniasoh ia ki jaka bapher bapher jong ka ri, la plié 22 tylli ki lynti her liengsuin hapoh ka skhim UDAN hapoh ka 3 sngi ha kaba 6 tylli na kine ki dei kiba la pyntreikam ha ka thain shatei lammihngi.

La sdang ia ka jingpynher liengsuin kaba nyngkong na Shillong (Meghalaya) sha Agartala (Tripura) hapoh ka skhim UDAN mynta ka sngi hadien ka jingsdang ia ka jingpynher liengsuin na Shillong (Meghalaya) sha Silchar (Assam) hynnin ka sngi. Ki ophisar bad kiwei kiwei kiba don bynta ha ki kam jong ka tnat Civil Aviation (MoCA) bad ka Airport Authority of India (AAI) ki la iadon lang ha kane ka sngi.

Ka jingsdang ia kine ki jingpynher liengsuin ki long katkum ki jingthmu jong ka skhim UDAN ban pynkhlain ia ka jingpyniasoh ia ki kam pynher liengsuin ha kylleng ka ri, ban wanrah ia ki lad ban leit shane shatai da ki liengsuin ha ka dor kaba bit bad ruh ban plié lad ia kamai ia kito kiba pyntreikam ia kine ki kam. Haduh mynta, 57 tylli ki kad liengsuin kiba kynthup ia 5 tylli ki heliport bad 2 tylli ki aerodome ha ryngkat 347 tylli ki lynti pynher lienguin ki la treikam hapoh ka skhim UDAN ha kylleng ka India.

Ha ka 28 tarik u Lber 2021, la sdang 18 tylli ki lad pynher liengsuin hapoh ka skhim UDAN. Kine ki long ka Gorakhpur (Uttar Pradesh) sha Lucknow (Uttar Pradesh) ia kaba la kyrshan da ka sorkar jylla, Kurnool (Andhra Pradesh) sha Bangalore (Karnataka), Vishakhapatnam (Andhra Pradesh), bad Chennai (Tamil Nadu), na Agra (Uttar Pradesh) sha Bangalore (Karnataka) & Bhopal (Madhya Pradesh), na Prayagraj (Uttar Pradesh) sha Bhubaneswar (Odisha) & Bhopal (Madhya Pradesh). Ha ryngkat kine ki lad pynher liengsuin, la sdang ruh ia ka jingpynher liengsuin na Dibrugarh (Assam) sha Dimapur (Nagaland).

Ka kompani Indigo ka la ioh ban pyntreikam ia ka jingpynher liengsuin ha ki lynti Shillong-Agartala, Shillong-Silchar, Kurnool-Bangalore, Vishakhapatnam bad Chennai lyngba ka jingtyrwa dor ha ka jingdie lilam hapoh ka UDAN 4 ha une u snem ba la dep.

Ha ryngkat kine, la ai ruh ban pyntreikam ia ka jingpynher liengsuin ha ki lynti Agra sha Bangalore bad Agra sha Bhopal hapoh ka UDAN 3, na Prayagraj sha Bhubaneswar bad Prayagraj sha Bhopal hapoh ka UDAN 2, bad Dibrugarh sha Dimapur hapoh ka UDAN 3. Ka kompani Alliance Air ka la ioh ban pyntreikam ia ka jingpynher liengsuin ha ka lad Lucknow-Gorakhpur hapoh ka UDAN 3.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet