Shillong, Jylliew 02: Ka FKJGP Seng Kmie ka phah ia kane ka kyrwoh sha baroh ki khynnah kiba la poi sha ka thong ha kane ka examination SSLC bad HSSLC, 2019, bad ka jingioh kheit ia u soh jong ka jingtrei shitom ka jong phi baroh shisnem ka long ka burom ia ki kmie ki kpa bad ia ka iing ka sem, ia ki nonghikai bad ia ka skul ruh kumjuh bad ki dei ban dang iai trei kham bha shuh shuh khnang ban poi sha kliar u lum jong ka nam.
Ha ka juh ka por ka seng kala pynsngew ba kim dei ruh ban sngew sarong ia ka jingstad hynrei ki dei ban tynkai ia ka spah jong ka jingnang ka jingtip da ka mynsiem ba sngewrit ym ban sngew khraw, bad ha kajuh ka por ka seng ka kyntu ruh ia kito ki khynnah ki ba khlem poi sha ka thong ba kim dei ban sngewsih ne diaw hynrei ki dei ban trei minot bad kham bha ha u snem u ban wan bad kim dei ban duh jingkyrmen.
Na ka liang jong ka seng ka kyntu ba kim dei ban duh jingkyrmen hynrei ki dei ban don ia ka mynsiem ka jingiaishah, haba phi kyllon ha kaba nyngkong hynrei phin sa ieng joit ha kaba arsien. ka mynsiem ialeh ban ym kynran dien. Ka FKJGP ka ai khublei iaphi baroh, Kane ka long ka kyrwoh na u Reginald Thabah, Education Secy, FKJGP Seng Kmie.
