Shillong, Jylliew 22: Mynta ka sngi u President samla Lambokstarwell Marngar bad u General Secretary U Samla Donald V.Thabah ryngkat ki dkhot ka Central Executive Council ki la leit ban ai Khublei ia ka Amebaaihunsha Kharbhih kaba la ioh ban bat ia ka kyrdan ba nyngkong ha ka Eksamin SSLC 2022 kaba la pyniaid da ka MBOSE.
ka Amebaaihunsha Kharbhih ka dei ka khun jong u bah Babunlad Syiemlieh bad ka kong Banrilin Kharbhih kiba shong ba sah hapoh ka Shnong Mawreng East Khasi Hill District bad kaba pule hapoh jong ka skul St. Paul’s Higher Secondary School, Marbisu.
Ka jingleit ki nongialam ka seng sha ka shnong Mawreng ka long ban leit kynduh ia itei ia ka Amebaaihunsha ia ki kmie ki kpa bad ia ki ba ha iing baroh namar ym ju kham don koit ba ka khynnah kaba dang lung ha ka rta kan don pat ia ka jingmut kaba iar kum ki Rangbah.
Ki nongialam ka seng KSU kila shoh jingmut ia kaei kaba ka Amebaaihunsha kala kren bad kaba la pynktik ia ka jingmut jong ki nongialam haba ki lah ioh sngew ia ka kyntien kaba mih na I Ba “Ngi dei ban leh shitom ban Tam sha khmat ia kiwei pat ki Jaitbynriew”
ka ka seng ka Sngew Sarong namar jong ka ba ka Jaitbynriew kan sa dang kiew Kham sha jrong ha ka Pule Puthi.Ka la Kit ka Bok ba in dang Kiew sha u Maw-mer Jong ka Thong bad ka la khmih lynti na I ba Ia Ka Jaitbynriew in kyntiew sha jrong ba im dei ban long tang u Mawkordor jong ka iing hynrei in long ruh kum u Mawkordor jong ka Jaitbynriew hi baroh kawei.
