Ai burom ki BSF ia ki lai tylli ki VDP ha ki shnong khappud Bangladesh da ki marbam

Shillong, Jylliew 13: Ki shipai BSF kila pynkup burom ia ki VDP jong ki lai tylli ki shnong ha khappud bad ka Bangladesh bad kita ki shnong ki long ka Umsyiem, Kongwang bad Umkren hapoh jong ka East Khasi Hills District.

Ha kane ka jingiakhun pyrshah ia ka khlam COVID-19 ban nynm ioh lat ba kan sa phriang ha kane ka jylla kila dkhot jong ki Village Defence Party (VDP) jong kitei ki shnong kila ai ka jingiarap ia ki shipai BSF ban khanglat ia ka jingwan rung ki khar Bangladesh ha kane ka por ha khappud bad ka Bangladesh.

Kum ka jingburom ia ki VDP jong kitei ki lai tylli ki shnong ki shipai BSF dang shen kila ai burom ia kitei ki lai tylli ki shnong da kaba sam ia ki marbam, u Kuldeep Saini, IG BSF Meghalaya u la ai ka jingiaroh ia ki VDP jong kitei ki lai tylli ki shnong kiba la ai ka jingkyrshan ia ki BSF.

Ha kane ka jingiakhun pyrshah ia ki jingthmu jong ki khar Bangladesh ban wan rung sha kane ka jylla ki VDP kila ai ka jingiarap ia ki BSF bad kum ka jingburom kylliang na ka liang jong ki BSF kila sam da ki marbam sha kitei ki shnong.

Na ka liang jong ki BSF kila ong ba kane ka jingiakhun pyrshah ia ka khlam COVID-19 kam pat kut ban peit ba kane ka jingpang kam dei ban saphriang ha kane ka jylla ha ki shnong kiba don ha khappud bad ka Bangladesh ha kane ka jylla Meghalaya. Ka jingpynkup burom da kaba sam ia ki marbam sha kitei ki shnong ka long ba ha kane ka jingpakhang kala ktah ia ka kamai kajih jong ki briew.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet