Shillong, Kyllalyngkot 14: U myntri rangbah ka jylla u Conrad K Sangma mynta ka sngi u la ai burom ia u Bah James Evantis Dkhar u ba la seng ia ka karkhana thain jian ha Umroh Mawkasiang ha kaba u la lah ban ai kam ia ki 17 ngut kiwei pat kiba trei ha kane ka karkhana thain jain.
Ka ne ka jingaiburom ia une u rangbah u ba la lah ban seng ia la ka jong ka kam, u ba la long u wei na ki nongai kam u la ioh ia ka khusnam kaba shilak tyngka bad ka jingthoh kynmaw kum ka jingburom ia u ha ka jingiadon lang kiba ha iing ha sem jong u Bah Dkhar.
Ha ka jingkren jong u myntri rangbah ka jylla u Conrad K Sangma, u la ong ba kane ka jingai burom ia kiba seng kam la jong ka long ban ithuh ia ka jingtrei shitom ka jong ki, namar tang ka kam sorkar ka long kaba eh hynrei une u rangbah u la long u nongiarap da kaba seng kam la jong bad ha ka juh ka por u la kylla long u nongai kam ai jam ia kiwei pat. Kane ka jingai burom ka long ban pynshlur ia kiwei ruh kum juh.
U Bah Dkhar ha u snem 2014 u la leit mih ha ‘ecosystem of the Meghalaya Institute of Entrepreneurship, Shillong’ bad la phah ia u ban shah hikai 10 sngi ban hikai ia ka Dobby bad Jacquard Machine ha ka Regional Silk Technology Research Station, Khanapara, nalor kata la phah hiaki 10 kumno ban pyntrei kam ia ki ‘Flying8 Loom Warping Mill’ ha GIZ CCA NER Shillong, ha dien kata la phah ban leit hikai lai bnai sha ka jaka ai jinghikai Silk Weaving ha Central Silk Board, Bangalore.
U Bah Dkhar u la pyndep ia ka jingpule jong u ia ka Master Class 2018-19 na ka Meghalaya Institute of Entrepreneurship. U la sdang ia kane ka kam ha u snem 2016 bad u la pyndon kam ia ki kor Flying8 Loom bad u la pyndon kam ia ka jingthain jain na ki ksai kiba mih na kane ka jylla. Ha ka u snem 2018 u la shim ia karam kaba T.20 lak tyngka na ka MIDC ban pynheh ia kane ka kam bad mynta u la lah ban ai kam 17 ngut ki briew.
