Shillong, Nailar 03: Ka Garo Hills State movement committee (GHSMC) kaba ialam ban ia dawa la ka jong ka jylla Garo mynta ka sngi kala ia kynduh ia u myntri khynnah kam poh iing jong ka sorkar pdeng u Kiren Rijiju ha nongbah Delhi ha kaba kila ai ia ka dorkhas ban dawa jylla la ka jong na ka bynta ki jaid bynriew Garo.
Ia kane ka kynhun kaba khatlai ngut la ialam da u president u Nikman Ch Marak bad u Dy CEM barim jong ka GHADC u Augustine Marak, ha kane ka memorandum na ka liang jong ka GHSMC kala batai bniah ia ki daw baroh ba balei ki kwah ban ioh ia la ka jong ka jylla na ka bynta ki jaidbynriew Garo ia kaba kila ai da ka kyrteng Garoland.
Kane ka GHSMC kala pyrshang ban ioh ban ia kynduh ia u myntri rangbah duh jong ka Ri India u er of India Mr Narendra Modi, hynrei na ka daw jong ka jingbun kam palat jong u myntri rangbah duh jong ka Ri la bethah ban ia kynduh noh ia u myntri khynnah kam poh iing u Kiren Rijiju bad ia ka dorkhas la ai ha u.
