Ai Dorkhas ka HBDRF sha u Chief Secretary halor ka jingeh ha khappud Block-I

Shillong, Jymmang 31: Ka Hynniewtrep Borders Dispute Redressal Forum hynne ka sngi ka la leit ban ia kynduh ia u Chief Secretary ka sorkar jylla ban aiti ia ka memorandum halor  ka jingeh jong ki paitbah ki ba shnong ba sah ha border block-I

Haba ba iakren bad ki nongthoh khubor u bah Shandame Sungoh u ba long kum u Chairman jong ka Hynniewtrep Borders Dispute Redressal Forum u la ong, naduh ba ka Karbi Anglong Autonomous Council ka wan ban buh ia ka check gate ha ka shnong khanduli.

Namar ka jingpyrshah  jong ka shnong khanduli ia kane, ka la mih ka jingia pakhang lynti mar kylliang ha kaba ki khasi pnar ki ba sah ha jylla Assam  ruh kim lah shuh ban wan iew wan hat ha Meghalaya, kumjub ruh ki briew karbi ki ba sah ha Meghalaya ruh kim lah shuh ban leit Sha Assam..

U la ong ba kane ka jingbymshah shuh ki karbi ban wan sha Meghalaya  ia ki khasi pnar ha Meghalaya bad ki Karbi  ba na Meghalaya ban leit Sha Assam ka la ktah shi katdei ia ki.

Namar  ki khasi pnar ki don ki bym lah ban kren ne pyndonkam ia ka ktien Karbi ne Assamese ha ka thid ka ka pet bad ha ki jingdonkam ba bun ba hap ban pyndonkam bad ka ba kham ktah jur eh ka long ba wat ha ka pang ka shitom ruh kim shah ia ki briew Khasi pnar ba kin wan ban wad jingsumar ha Meghalaya kum ha Jowai  bad kiwei dei ki jaka ai jingsumar.

U la ong ba na ka liang ki nongialam jong ka Furom ka la don ka jingleit ban ia kynduh ia ka DC bad SP jong ka Karbi Anglong hynrei kane ka jingiakynduh bad jingiakren kam poi shaei shaei ruh.

Kumjuh ruh ka ha une u bnai ha ka 23 tarik mynta bnai ka la don ruh ka jingiakren jong ki DC bad SP na kine ki arliang, kata jong ka Karbi Anglong bad ka West Jaintia Hills District hynrei kane ruh ka khlem.poi haei haei ruh.

U la ong shuh shuh ba ki nong khanduli ki dang ap ia ka officials later ban phah na ka Karbi Autonomous Council  ban khang noh ia ka check gate bad ban poi sha ka jingiasuk.

Hynrei haduh mynta ruh ka Karbi Autonomous Council kam pat phah ia kata ka shithi… u la buh jingkylli ba lano kein ba kan phah ia kata ka shithi u la ong ba lada ka long kumne ka dang shipor bha ba kan poi sha ka jingiasuk.

U bah Shandame Sungoh u la ong ba na ka liang ka Furom ka dawa na ka sorkar ba dei ban weng noh ia kine ki jingeh ki ba ki briew ha kitei ki jaka ki mat jingeh.

 

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet