Shillong Naiwieng 03: Mynta ka sngi ki samla pule ryngkat ka seng Hynniewtrep Youth Council (HYC), ki la dawa na ka sorkar jylla ba kadei ban pyllait noh ia bai bam ka Scholarship kaba dang sahteng jong u snem 2021-22 ha shwa ka 9 tarik Naiwieng,2022.
Ka seng HYC bad ki samla pule kila leit banbuh ia ka dorkhas sha u Myntri Rangbah ka jylla u Conrad K Sangma bad sha u Myntri ka Pule Puthi ka sorkar jylla u bah Lahkmen Rymbui ba kidei ban shim khia haba iadei bad bai bam jong ki khynnah pule ban pyllait kloi lan.
Ha kajuh ka por, ka seng bad ki khynnah pule ki la ai por haduh ka sngi Balang ka 9 tarik Naiwieng ban pyllait noh ia kane ka baibam lym kumta kim banse ban pynlong da ka jingiakhih ban dawa ia ka hok jong ki khynnah pule.
U secretary ba dei peit ia ka pule puthi ka HYC Education cell u samla Enlang Sawian haba kren sha ki lad pathai khubor, u la ong ba ka seng ka la ioh jingtip ba ka Tribal Ministry jong ka Sorkar India ka pyllait ia ka Scholarship hynrei kaba sngew lyngoh ba ia ka jylla Meghalaya ym shym la iohi dak eiei halor ka jingpyllait ia a bai bam.
U Samla Enlang u la ong ba lada ka sorkar kam lah ban pyllait ha ka por ba biang ia ka baibam ka jingduh nong kan dei ia ki samla kiba wan na ka longiing kaba duk.Lada kiwei ki jylla kila lah ban pynlait kaei ka jingeh ia ka jylla Meghalaya.
