Shillong, Lber 04: Mynta ka sngi u samla Ksanborlang Thabah general secretary ka KSU South Central East Circle Pynursla kala ai ia ka dokhas sha u CEM jong ka KHADC u bah Titosstarwell Chyne bad kum juh sha u nongialam ka liang pyrshah ba kin tuklar lem namar ka jingmih ar tylli ki bor ha ki shnong.
Haba kren ha ki lat pathai khubor ha dien ba la dep ban ai ia ka dorkhas u snamla Ksanborlang haba kren ha ki lat pathai khubor la ong ba ka jingwan ai jong ki ia ka dorkhas mynta ka sngi ka long ba kyntu ia ka KHADC ba kan peit ia kane ka jingeh namar lada ha ki shnong ki ithuhnoh tang ia ka “Village Employment Council” ki dorbar shnong kin sa jah suki.
Haka jinglap jong ka KSU ba naduh ba khlem ai lad shuh iaki rangbah shnong ban long ki shongknor jong ki VEC, ha ki shnong ki thaw la mih ar tylli ki bor kawei ka dorbar shnong bad kawei ka dorbar jong ka VEC, kane ka jingdon ar tylli ki bor ha ki shnong ki thaw bun sien ia u rangbah shnong la niew tang kum u nongai syrnot nong shnong shnong.
Kumba ka long mynta ki kam pynroi sha ki shnong kala iaid lyngba ka VEC bad ha bun ki khep ki VEC ki ia tyngkhuh bad ki bor shnong, kane ka wanrah ia ka jingeh ha ki shnong ki thaw bad kane ka wanrah ruh ia ka jingkad arliang ha ki shnong ki thaw bad ka wanrah ia ka jingduh ban trei ia ki skhim NREGS.
Ha kane ka jingthoh kaba la ai sha u CEM jong ka KHADC bad nongialam ka liang pyrshah, ka KSU kala kdew ruh ia ka “Village level Development Plant” kaba sngewsih ha ka long ba ha kane la thoh bad pyndon kam da ka ktien “Gram Panchayat” bad “Gram Sabha” kane ka lah ban pynjah noh ia ka ktien “Dorbar Shnong”.
Na ka liang jong ka KSU ka kwah ban tip don aiu sha lyndet jong ka ktien ba balei la buh ia ka ktien “Panchayat” ha ka jaka “Dorbar Shnong” kane ka jingle suki suki kan sa pynduh noh ia ka ktien dorbar shnong bad kane ka kren shai ba wat ka sorkar kam ithuh ia ka ktien “Dorbar Shnong”.
Katkum ka jingioh jong ka KSU ka long ba kane ka jinglong jingman ka pyni ba ka VEC kan kham khlain bor ia ka dorbar shnong, ka KSU ka kyntu ia ki bor jong ka District kiba la pynkupbor katkum ka Riti Dustur ba kin leh ei ei ia kane ban iakren lem bad u myntri ba dei peit ia ka tnad pynroi nongkyndong bad ia ka kam Shongknor VEC u dei ban long u rangbah shnong.
