Shillong,Lber 25: Mynta ka sngi hapoh ka jingialam jong u general secretary jong ka KSU u samla Donal V Thabah bad kiwei ki dkhot jong ka seng mynta ka sngi kila ia kynduh ia u myntri ba dei peit ia ka tnad ialehkai bad ia ki samla u Kiren Rijiju ha kaba kila ai ka dorkhas lyngba jong u ban dawa ban thung ia u Prof S M Sungoh kum u Vice Chancellor ka skul bah NEHU.
Ha kane ka juh ka dorkhas la thoh ruh ba kum ka seng samla pule ka dawa ban buh ia ka Central Agricultural University ha Kyrdem Kulai ha Ri Bhoi District, haba ia dei bad kane kin dang pan jingbit ban ia kynduh ia u myntri kam rep u Narendra Singh Tomar.
Ha kane ka jingleit ia kynduh ia u myntri khynnah ka sorkar pdeng u Rijiju la don lang u myntri ba dei peit ia ka tnad rep jong ka sorkar jylla u bah Banteidor Lyngdoh bad u MP jong ka Lok Sabha u bah Vincent H pala.
