Ai dorkhas ka KSU War Jiantia ha u bah Hek,dawa pynkylla ia ka Padu Dispensary sha ka CHC

Shillong, Naiwieng 09: Ka Khasi Students’ Union War Jaintia Circle ka la leit iakynduh bad buh dorkhas ha u Bah A.L Hek u Myntri ba dei peit ia ka tnad ka koit ka khiah ha ka sngi balang mynta u bnai  hapoh ka office treikam jong u ha Club.

Ka jingleit buh dorkhas jong ka Seng ka long na ka bynta ka jingduna bad jingdkoh ka rukom trei kam ki Sub – Centre, Public Health Centre bad Community Health Centre hapoh ka Amlarem Sub – Division.

Ha kane ka jingleit iakynduh la iadonlang ruh u Assistant General Secretary ka Seng Kmie Samla Sonstar Nongkhlaw. Ka jingleit buh dorkhas ka Seng ka long ba hadien ba ka la wan ban jurip ia baroh ki jaka ai jingsumar hapoh ka Amlarem Sub Division bad ka Seng ka la shem shibun ki jingeh bad ki jingduna kaba ki paidbah ka thain War Jaintia ki iakynduh.

Kaba kongsan eh ka long ban pynkylla noh ia ka Padu State Dispensary sha ka Public Health Centre namar kane ka Dispensary ka la shakri naduh u snem 1970 ia ki khatwei tylli ki shnong kiba hap hapoh kane ka Dispensary, ka jingnang bun ki briew ka la buh jingeh ia kane ka Dispensary namar ka jingbym biang ki tiar ki tar ban ai jingsumar.

Ka Seng ruh ka la kyntu ia u Bah A.L. Hek ba un shimkhia lem na ka bynta ki Sub – Centre, P.H.C bad C.H.C kiba don shibun ki jingduna ha ki liang baroh khnang ba kan kham pynsuk ia ki paidbah ba kin ioh ka lad ban ai jingsumar hajan ban ia kaba leit shaduh Jowai bad Shillong.

Te na ka liang  u Myntri ula shimkhia ia kane bad ula ong ia ki nongialam ka KSU ba yn leit ban ia pynbeit bad ki bad ki Rangbah Shnong khnang ba kane ka kam kan iaid beit.  Kane ka kyrwoh la phah da u General Secretary Samla Lurman B. Talang.

 

 

 

 

 

What Next?

Recent Articles

Leave a Reply

Submit Comment

*