Ai dorkhas ka NGEA ka GHADC sha u CEM ba khlem ioh tulop mynta la 11 bnai ki nongtrei

The GHADC Employees submit memo to CEMShillong, Nailar  06: Ka seng ki nongtrei hapoh jong ka Garo Hills Autonomous District Council ia kaba la tip kum ka “Non-Gazetted Employees Association” kila leit ban ai ia ka dorkhas sha u CEM u Bostone R Marak ban dawa na u ba u dei ban siew ia ka tulop jong ki nongtrei mynta u bnai. Ki nongtrei jong ka GHADC mynta la 11 bnai ki khlem ioh tulop.

Ha ka Dorkhas kaba la ai sha u CEM jong ka GHADC da ka seng NGEA jong ka GHADC kila ong ba dei naduh u Naiwieng 2016 ba ki khlem ioh tulop haduh mynta na ka liang jong ka seng ka dawa na u CEM ba u dei ban siew ia ka tukop jong ki nongtrei mynta u bnai. Kane ka jingbym ioh tulop ka jong ki kala ktah ia ka iing ka seng, khamtam ia ki khun ki kti kiba dang leit ban pule.

Kaneka seng NGEA hapoh jong ka GHADC  kala ong ia u CEM ba ka don ka rai jong ka Meghalaya High Court kaba la pynmih ha ka 14th Nailur 2016 katkum ka hukum No.19/2016 ha kaba kala bethah ia ki bor ba dei peit kum ka nongai kam ba ka dei ban siew ar bnai ka tulup haduh bad a dep ka bas ah bad ia kane ka rai la ia kren ruh ha ka jingialang hynrei haduh mynta kam shym don ka jingsiew ia ka tulop jong ki nongtrei.

Ha ka Dorkhas la batai ba ka Executive Committee jong ka GHADC kala ia kren ia kane ka kam ha kaba ka GHADC kam shym bat ia ka kular kumba la ia kren. Ka NGEA kala ong ba ka jinglum pisa jong ka GHADC kaba man ka sngi ka long kaba bun la pynlang ia ka ruh kala dap ban siew ia ka tulop jong ki nongtrei hapoh jong ka GHADC.

Na ka liang jong ka seng NGEA kila ong ba wat ha dien ka jingioh lum pisa da ka GHADC hynrei ia ka hok ka jong ki kaba dei ka tulop kam shym la siew. Na ka liang jong ka NGEA hapoh GHADC kala mana ia u CEM bay m dei ban sei pisa laitnoh tang ha kaba don kam ban pyniaid ia ka ophis khnang ba ka ophis kan lah ban siew ia ka tulop jong ki nongtrei. Ha kane ka dorkhas kila dawa ba ka GHADC ka dei ban siew ia ka tulop jong mynta u bnai Nailar.

What Next?

Recent Articles

Leave a Reply

Submit Comment
*