Shillong, August 11: Ka Synjuk Seng Samla Shnong (SSSS) jong ka South West Khasi Hills District kala phah ia ka dorkhas sha u myntri rangbah ka jylla u Dr Mukul Sangma ban dawa na u ba ka sorkar ka dei ban ai noh ia ka Community bad Rural Development Bloch ha ka thain Wahkaji.
Ha kane ka dorkhas na ka liang jong ka SSSS kala ai ia ka jingkhein ba kane ka thain ka don haduh 40 tylli ki shnong bad kita ki long ka shnong,Wahkaji, Myriem, Awro, Umdohlun, Mawkhlaitngap, Mawpat, Brithawsoh, Ngundilang, Nongthymmai-Langjaud, Mawthabah, Domiasiat, Nongmelang, Rngimawpat, Phlangmawprah, Mawjarain, Nongmluh.
Ka Thangbyriang, Pyndenkseh, New Pyndenkseh, Pyndenkseh Sepngi, Nongrim-mawpat, Langtor, Mawjarain, Pyndenkseh Mihngi, Phlangdiloin, Pynden-umjarain, Nongtynniaw, Mawphanrang, New-Nongtynger, Nongtnger, Nongpeinskei, Nongrynniang, Mawhiang-ruda, Nongummer, Mawjai, Lower-Mawjai, New-Mawjai, Nong-weitang, Nonginiang, Umsaw, Lawsiej, Mawlaikhop, Mawhianglang, Nongbah Jynrin. Mawphansaw, Mawthungmaleng, Mawmynsor .
Na ka liang jong ka seng SSSS ka ong ba ka sorkar ka lah ban buh ia ka C&RD Block ha Umdohlun lane ha Wahkaji, ki briew jong kane ka thain kiba bun ki dei ki long iing kiba don hapoh u lain jong ka jingduk bad ka kamrai jong ki ka long beit na ka rep ka riang bad ki paidbah nongshong shnong jong kane ka thain ki don kumba 4000 ngut kyntup ia ki shnong kiba marjan.
Ki briew jong kane ka thain ba kin leit ban ia kynduh ia u BDO jong ki ha Ranikor ki hap ban leit lyngba ka nongstoin lane ka Mawkyrwat, kumba ka long ia kane ka jaka la iehbein da ka sorkar la bun bun phew snem mynta. Lada ka sorkar ka thaw ia ka Block ha kane ka jaka ba long kyndong kan long ka jingmyntoi ia ki paidbah kiba don ha kane ka thain.
