Shillong, Kyllalyngkot 29: Ka Shillong Municipal Baord kala dang ai jingbit shuh ban shna dukan ha jaka ieng kali kaba don ha pyrshah State Bank ka Ri India Main Branch bad mynta la dang don shuh ka jingshna dukan hakatei ka jaka.
Bun na ki ba iaid ba ieng haba iohi ia kane ka jingshna dukan kila pynsngew ba ka jingtei ia katei ka jaka ieng kali ka long ban pynioh iaka jaka ieng kali, hynrei na ki daw kiba ym lah ban tip ka Shillong Municipal Board pat kala dang ai jingbit ban shna dukan shuh shuh ha katei ka jaka ieng kali.
Bun na ki paidbah kila buh ia ka jingkylli hato ka SMB ka kwah ban ai jaka shuh shuh ban shna dukan ha katei ka jaka bad ban dang pynrit shuh ia ka jaka ban ieng kali, katba ka sorkar Shillong kala dang jynjar ban ioh jaka pynieng kali hynei ka SMB kala dang ai jaka.
Ka jingioh ban shna ia ki dukan ha katei ka jaka iieng kali kan nym lah ban long khlem ka jingtip jong ka SMB, la kynnoh ba ha ka jaka ban dang wat shuh ia ki jaka ieng kali namar ka thain khyndailat la shitom ban ioh ieng kali hynrei ka SMB kala dang pynrit ia katei ka jaka da kaba phah shna dukan.
