Shillong, Naiwieng
28: Ka Office of the District Animal Husbandry bad Veterinary Officer, Shillong, kala pynlong ia ka jingai jinghikai ban Ri Syiar hapoh shnong Mawryngkneng hapoh jong ka Mawryngkneng C & R.D Block mynta ka sngi.
Ha ka jingkren jong u Bah David Nongrum MLA jong kane ka jaka u la ong ba kane ka long ban iarap ia ki briew kumno ba kin kiew ha ka ioh ka kot ka jong ki lyngba kane ka kam ri syiar. Ha kane ka sngi u Bah Nongrum u la sam ruh mar 200 tylli ki khun syiar sha ki 75 ngut ki briew kiba ioh ia kane ka jingmyntoi.
Ha kane ka sngi u Bah L Kynjing, BDO, Mawryngkneng C&RD Block, ka Dr. A Pakyntein, District AH&Vety Officer bad u Dr Albert S Thangkhiew, AH&Vety Officer, Mawryngkneng C&RD Block ruh kila ia don lang ban sakhi ia kane ka sngi ai jinghikai ia ki paidbah ban hikai kumno ban Ri Syiar.
