Shillong, Kyllalyngkot 22: Ka Ophis jong ka Society for Urban and Rural Empowerment (SURE), Jowai ryngkat ka jingiatrei lang naka ophis jong ka North East Slow Food bad Agrobiodiversity Society (NESAF) ka la pynlong iaka jinghikai ba shisngi halor ka phang kumno ban shnasboh (Berkely Composting) haka 21st January 2019 ha kashnongMukhap, West Jaintia Hills.
Ha kane ka sngi la wan ia shim bynta da ki Local Group bad Self Help Group jong ka shnong Mukhap bad Mynso, ia kane ka jingialang la pyniaid da ka kong Daka Bareh, ha shwa ban sdang ia kane ka prokram la ioh ia ka jingkren pdiang burom ia ka nongbatai jong ka SURE bad ia kiba wan ia shim bynta sha kane ka prokram ai jinghikai.
Hadien kane la ioh ia ka jingkren na ka Kong Pasqualina Lamare kaba la ai ia ka jingbatai iaki Local Group bad Self Help Group shaphang ka jingtreikam jong ka SURE, bad hadien kane la ioh ia ka jingbatai na ka riewshemphang ka kong Rika Lamare kaba long ka Agricultural Development Officer (ADO).
ka ADO kala batai shaphang ka jingshna sboh kaba 18 sngi, ka lah ban shuhshuh ba kane ka jingshna sboh ka long kaba kham suk bad kitiar ban pyndonkam ruh ki long kiba suk ban ioh, ha shwa ban pynkut la ioh ia ki kyntien ai khublei na ka kong Somja Phawa.
