Shillong, Risaw 14: Ha ka sngi rakhe kumno ban leh ban pynduna ia ki jingduh ei jong ki myns
iem briew haba shah lynshop ha ka mariang, na ka liang jong ki shipai jong ka Assam Regimental Centre kila pynlong ia ka jinghikai hapoh ka jingpeit jong ka 101 Area.
Kane ka jinghikai ka long ba kumno ban leh na ka bynta ban pynlait ia ki riew paidbah na ki jaka ban gat ha ka jingshah lynshop jong ka mariang lada ka wan bad kan jia leh se ha kawei na ki shnong nongkyndong. Ia kane ka jinghikai la pynlong ha ka jingiadon lang ki shnat sorkar na ka District Adminstration.
Ha kane ka jinghikai ki shipai ki la buh ia ka jaka sah ba shipor jong ki ryngkat bad ki lad jingiarap ha ka shnong Lumumpih kaba hap hapoh jong ka Umsning Block hapoh jong ka Ri Bhoi District ha kaba ia kane ka jinghikai la pynlong. Na ka liang jong ka ophis ba ha khlieh jong ka 101 Area ka juh pynlong ia kum kine ki jinghikai ban don ka jingiasngewthuh jingmud hapdeng ki shipai bad ki District Adminstration.
