Ai jingiarap ba lynshop u phria ia ki mar rep  dawa u President  ka HFU na ka sorkar

Shillong, Iaiong 10: Ka  seng Hill Farmer Union (HFU) ki ban jur ia ka sorkar ba kan pynkloi ban phah ia ki jingai jingiarap sha kito ki nongrep kiba la shah ktah ha ka jinglynshop jong ka bor mariang ia ki jingthung jingtep jongki ha kylleng ka Ri Khasi.

Ha ka juh ka por ka HFU ka  kwah ba ka sorkar kan pyllait noh ia ki jingiarap sha kito kiba la shah ktah ha ki snem kiba la dep ryngkat bad ka jingai jingiarap kiba la shah pynjulor mynta u snem. Ka jingiarap kam dei ban long kum ka jingibein  ia ki nongrep haba ai jingiarap. Kaba mut haba ai jingiarap ym dei ban ai jingiarap tang 100 ne 200 tyngka dei ban ai katkum ka jingjulor jong ki mar rep.

Ka HFU ka dawa ruh na ka sorkar ba ka dei ban pyntrei kam noh ia ka “crop insurance scheme” khnang ba ki nongrep kin ioh jingmyntoi haba don kiba kum kine ki jingjia kiba ka bor mariang ka lynshop ia ki jingthung ki nongrep jongngi.

Kum ka seng ki nongrep ki dawa na ka sorkar ba kan wanrah noh ia ka “farmer commission” kumba kila dawa ha ka jingialang jong ka farmer Parliament dangshen nalor kiwei kiwei kij ingdawa ba ngi la buh hakhmat ka sorkar.

Man ka snem ka ju don ka ju don ka jingpynjulor jong ka bor mariang ia ki jingthung jingtep jong ki nongrep khamtam ha kum kane ka por slap bad mynta u snem ruh la sakhi ia kiba bun ki shnong kiba la shah ktah ha ka jinglynhop jong u Phria ha kylleng ka ri Khasi.

Kumta lada ka sorkar ka sngewkhia shisha ia ka rep ka riang kam dei ban shu kren tang da ktien hynrei ka dei ban pyni noh da ki kam ym dei ban shu kren ba ki sngewkhia bad kwah ban kyntiew ia ka rep ka riang namar tang ka ktien kan nym myntoi lada ym leh da ki kam. Ong u Bah Commander Shangpliang President ka HFU ha ka kyrwoh mynta ka sngi.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet