Ai jingiarap da u khaw ka HYC ia ki 40 tylli ki long iing ha shnong Mawsiatkhnam

Shillong, Naitung 12: Ka Hynniewtrep Youths’ Council Mawlai Circle ha ryngkat ka jingiatreilang bad ka HYC Mawsiatkhnam dang shen kala hiar sha ka shnong Mawsiatkhnam ban pynnoh biang iaka jingiarap iaki 40 tam ki longiing kiba la shah ktah ha kane ka jingkhang dam. Ha ryngkat ka jingdon ki rangbah nongkitkam ka Executive committee ka Dorbar shnong.

La pyniaid iakane ka jingialang ba lyngkot da u Rangbah Shnong, Bah Shemphang Wahlang bad kumjuh ruh la ioh iaka jingkren ba lyngkot na u Secretary Shnong, Bah Wallamkupar Lynrah uba la pynkynmaw ba u la long ruh uwei napdeng ki Rangbah ka jaidbynriew uba la sakhi bad kyrshan iaka jingpynskem iaka HYC ha ki 6 snem ki bala leit ha Khasi National Dorbar Hall.

Kumjuh ruh u la ai ka jingaikhublei iaka HYC kaba ym shym la leh klet iaki nongshong shnong Jong ka Mawsiatkhnam bad ba ka jingnoh synniang kaba ka Seng ka ai Sha ki nongshong shnong ka long ka jingkyrkhu bad jingmyntoi khamtam ha kum kane ka por kaba kane ka pyrthei ka ia kynduh ia kum kine ki jingeh kiba wan na kane ka khlam.

u President ka HYC Mawlai Circle,  Bah Donboklang Kharlyngdoh uba la iathuh ruh khyndiat shaphang ka seng bad khamtam eh ba ki sngi Jong ka jingrakhe iaka jingdap 6 snem ki la jan.

Ula iathuh ruh ba kum ka Seng naduh ba sdang hi tad haduh kine ki sngi Kala hap ban mad iaki jingeh ki jingtynjuh bad ki jingshah kynnoh kiba la long pynban ki jingai mynsiem kaba dang ai bor shuh shuh ia uwei pa uwei u shipai ka HYC ban iakhun beit iaka hok kumba ka jaidbynriew ka dawa.

U la pynkynmaw ruh ba ka seng ka ioh ban pynnoh iakine ki jingiarap dei na ka jingkyrkhu Jong kawei ka longiing ki khunswet haka 30 Lber  2020 ha kaba ki Shipai ka HYC Mawlai hi kila iarap daka jingianoh synniang para Shipai nalade shwa haka por kaba kane ka longiing ka donkam eh iaka jingiarap.

Hadien kata ki jingiarap ki wan tuid na kylleng sawdong ki nongkyrshan bad ki parari kiba la nohsynniang Sha ka Seng haduh ba Kala lah ban Sam iaka jingiarap Sha baroh ki circle ki unit ka Seng ha kylleng ka ri bad jaidbynriew. U la Ong ruh ba ka jingduwai kyrpad ia u Blei uba long kapten ka dei ka jubab iaka jaidbynriew lyngba na ka HYC.

Bad kum ka Seng ruh ka iai ban khia ba ki para nongshong shnong ki hap ban shimkhia ban bud iaki hukum kiba ka Health Department ka ju pyni man la ka por kum kaba Deng ia ki mask, pynia jingai parabriew bad ban lehkhuid namar ba ka dei ka lad ban lait na ki jingpang bad khamtam eh ban lait na kane ka jingma na kane ka khlam covid 19. Hadien ba la dep iaki jingkren lah ioh ruh iaka jingduwai na u shipai Topas Shangpliang uba long ruh u President ka Mawdatbaki Unit.

 

What Next?

Recent Articles

Leave a Reply

Submit Comment

*