Shillong, Jylliew 15: Ka Khasi Students Union Jaintia Hills District kala ioh ban noh synniang bad ai jingiarap ia u samla Mihsalan Truh naka shnong Lumshnong East Jaintia Hills u ba shah jied ban mih khmat sha ka Conference jong kaa Asia Youth International Model United Nation ka ban long hapoh ka Ri Malaysia.
Kane ka jingialang bah jong ki 44 tylli ki Ri ka Pyrthei kan sdang naduh ka 25 tarik u bnai August bad kan kut haduh ka 28 tarik jong u juh u bnai. ka phang pdeng jong kane ka Jingialang ka long “Human Security Agenda in the globalised World”
Ka seng ka kitbok kitrwiang ia u ne u samla ba un poi suk shaka jaka kaba u thmu ban leit khnang ba u lah ban leh ei ei ynda u la wan phai bad haka juh ka por ka seng ka sngew sarong ruh ba don kum u ne u samla napoh ka thaiñ jong ngi u ban mih khmat kat shaduh ka ne ka lympung baheh jong ki 45 tylli ki Ri.
Ha shwa ban ai iaka jingiarap ka la don ruh ka jingialang lyngkot ha poh ophis treikam jong ka seng hakaba iaka jingialang la pyniaid da u General Secretary Samla Garland S Manner bad la ioh ruh ia ki jingkren kitbok kitrwiang da u samla Rangbah Ohibait Dkhar President, Kwilnis Suchiang Environmental Secretary bad Leningrad Tariang Organising Secretary bad khatduh la ioh ruh ban ai jingkren na i samla Mihsalan Truh i ba long i nong iashim bynta sha kane ka lympung.
Na ka liang u samla Mihsalan Truh ula ai khublei iaka Seng KSU kaba la kloi ban noh synnianh ia u bad hakajuh ka por ula kyrpad ruh iaki paidbah ka Jylla ban buh ia u haka jingduwai khnang ba ka jinhthmu bad ka jingangnud ka jong u kan long kaba jop.
