Shillong, Nohprah 08: Ka kynhun “We Hope Foundation” hapoh ka jingialam u Samla Lucky Star Lamin President bad kiwei kiwei ki nognkit kam ka seng ha kine ki sngi ki la leit ai jingiarap ia kawei ka long ïing ba duk, kaba don ar ngut ki briew kiba don ka jingduna ha ki dkhot met ha ka bor pyrkhat kaba la tip kyrteng Ka Speindaris bad Ka Spailin Jyrwa kiba dei na ka shnong Diengsyiang, West Khasi Hills District.
ka jingiarap kynthup ia ka tin sop ïing, Goodrej, borti, khiew um, ki tiar shet, artylli ki Kombol kup thiah bad la aiti sha kine ar ngut ki shipara ryngkat ka jingiadonlang, ki kmie ki kpa, ka shnong, ka Balang bad ki nongialam ka Khasi Disabilities Association(KDA). Nalor kine ka WHF ka la ai jingiarap ruh da ka pisa ia ki hynriew ngut ki briew kiba don ka jingduna ha ki dkhot met kiba donlang, na katei ka juh ka shnong.
U bah Lucky Star Lamin ha ka jingkren u la ong kine ki jingiarap ki dei kiba kila ia synñiang para dkhot ban ai jingiarap man ka por ia ki parabriew kiba wan na ka long ïing baduk. U President ka seng u la ong “Haba ngi ieit ngi ai bad haba ngi ai kamut ngi ieit”.
U la ong ka jingieit jong ngi ia u Blei ha kaba rieh, kadei ban paw lyngba ka jingieit bad ki jingiarap jong ngi ia ki parabriew ha kaba paw bad ngi don ia ka thong “Ki khunswet, ki longïing baduk bad ki briew kiba don ka jingduna ha ki dkhot met ki long ka lyngkha trei jong ka We Hope Foundation bad dei lyngba ka jingiatreilang bad ka KDA ba ki jied ban ai jingiarap ia kane ka long ïing baduk ha ka shnong Diengsyiang.
Kiwei kiba la kren ha kane ka jingiarap kaba la ai da ka WHF, ki long u Bah Consolarlang Swett , U bah Starwin Kharjana President Khasi Disabilities Association ha ka jingkren u la iaroh ia ka We Hope Foundation kaba la iarap ia ki briew kiba don ka jingduna ha ki dkhot met bad u la ong ai ba kane ka nuksa kan long ia kiwei pat ki seng treimon sngewbha.
Ia ka jingialang la pyniaid da u bah W. Wanñiang Secretary Shnong Diengsyiang ha ka jingkren u la ai ka jingiaroh shi katdei eh ia ki matti isynei jong ka WHF bad u la ong ha ka jingim jong u kadei ka sien kaba nyngkong ban iohi katne ki lad jingiarap tang ia kawei ka longïing baduk ba kin wan ai hi shaduh nongkyndong.
