Shillong, Nohprah 18: Ka seng TULBA mynta ka sngi kala pynlong ia ka jingrakhe ia ka Khristmas ha Nongstoin da kaba ai jingiarap ia ki briew kiba duk ha katei ka jaka kum ka jingnoh syniang ha kane ka por lehkmen.
Ha ka jingkren jong u Bah GoodleadersonNongsiej MDC jong kane ka jaka u la ong ba, ha kum kane ka por ki briew ki pynkhreh ia ka Khristmas da kaba airong ia ki iing ki sem, thied ki jain thymmai, hynrei u la ong kaba kongsan ha kane ka por ka jingpynkhreh kaba kongsan ka dei ha ka mynsiem ban pdiang ia u Jisu ha ka sngi Khrsitmas.
U bah Nongsiej u la ai khublei kyrpang ia kane ka seng TULBA kaba la wan na Shillong ban ia rakhe ia ka Khristmas bad ki briew jong kane ka thain da ka jingwan ban ai ia ki jingiarap wat la ka long kaba rit hynrei kaba kongsan ka dei ka mynsiem ban iarap para briew.
Ha ka jingkren jong u President ka seng TULBA u la ong ba kane ka jingiarap kaba ka seng ka don ka long ba ki don ia ka jingieit iala ki jong ki paradoh parasnam. Kum ka seng ka iohi ba ka nongshuh jong ka seng ka dei ka jingdih drok, ka seng kam kwah ban iohi ba ki samla kin jop.
Ki dkhot jong ka seng kiba la iashim bynta ha kane ka jingleit ai jingiarap da kaba leit da ki Bike sha duh nongstoin ki long na kylleng ki bynta jong ka Ri Khasi. Ha kane ka sngi kala don ka jingrwai na ki khynnah ha kaba la pynphuh pynhing ia kane ka sngi.
Ha kane ka sngi u Bah Gabriel Wahlang ruh u la ia don lang. Ia ka jingiaid ki kynhun jong ka TULBA la khaweh lama da u Genenral Secretary jong ka seng KSU u samla Donald V Thabah na State Central Library Shillong.
