Ai jingiaroh ka KHNAM Youth Wing ia u Bah Thomas ba leit ban khynra ha NEIGHRIMS

Shillong, Naiwieng 14: Ka KHNAM Ribhoi District ka ai khublei ia  ka KHNAM State Youth Wing hapoh ka jingialam u preisident jongka Bah Thomas Passah, ba ka la shimkhia halor ban leit khynra ia ka NEIGHRIMS halor ka jingwan kiew ki briew kiba nabar ka jylla da ki  hajar ngut lyngba ki Nightsuper  Bus jan manla ka sngi ha ka por dang step phyrngap…kane ka jingwan kine ki bar jylla ha kane ka Hospital baheh jong ka jylla Meghaloy,, ka la i pynartatien ia bun ki paid u Hynniewtrep halor jingbun jong kine ki bar jylla ha kane kan Hospital, kiba ym pat juh-i mynno mynno ba kane ka Hospital ka don haduh da ki phew hajar ki out patient haka shi sngi.

khamtam lei kum kine ki por ba ki Muslim Rohingya kiba dang shah pynher krad na Ka Ri Burma ki dang  iaidwir..kaba lah ban buh jingma kaba khraw ia Bri jongngi u Hynniewtrep.Ka KHNAM Ri bhoi ka sngew sarong iala ka jinglongkloi jong ka KHNAM State youthwing khlem khuslai ia ka thiah ka dem halor kane kam bad ka sngewdei banleh na ka bynta ka Jaitbynriew baieid jongngi bad kumba la seng ia ka Nongrim jongka(KHNAM).

ka KHNAM Ri Bhoi sngew ban ong ruh ba kane ka jingwan kine mynder ha kane ka Hospital NEIGHRIMS da ki Nightsuper Bus ha ki por step phyrngap khamtam ha kum kine por ki samoi ban jied ia ki MLA  2018 sha Ing Dorbar Thaw Ain Meghalaya,ka pynartatien ia ki paid Hynniewtrep baroh kawei, ioh lehse khlem artatien ka lah ban long ka jingmyntoi ia kito ki party ki ba thmu pyndam ia ka  jaitbynriew ba ritpaid.

Ka KHNAM Ribhoi ka ong ba ka Infiltration check gate Byrni,ka kylla pynban ka infiltraitor gate, bad ruh kam don khmat don skhor ka don tang ka kti ban tda ban kham.Ka KHNAM Ribhoi ka kyntu ia ki paid Ribhoi ban shimkhia lem bad ban peitngor bha halor ki kali kit nongleit nongwan, khamtam lei ia ki kali nabar ka jylla, khnang ba kin ym ioh lad ba kiew laitlan sha kane ka Khyndew ka Shyiap jong ngi U Hynniewtrep.

Na ka liang jong ka KHNAM na Ri Bhoi District ki ong ba don  ia ka hok ban iada ia la kari bad ym don ba lah ban knieh ia kane ka hok na ngi. Ka KHNAM Ri Bhoi ka sngewdei ruh ban kyntu ia ki Khun Samla Ri Bhoi kiba la nang la stad, bad kiba don ka jingkit khlieh ia ka Lawei ka Jaitbynriew ban Aireng kum u Kyrtong ban mih madan ban long u Nongmih khmat (MLA) jong u 2018 na ki daw bah Ka jaitbynriew ba ieid jong ngi to long shlur kum u Khun Dap Shynrang Hynniewtrep ba pura,ym kum khun sliang dap- pla bad ia ka lawei ki khun ki pyrsa yn niat sha ñiamra.

Ka KHNAM Ribhoi ka Kitbok Kitwriang ia ki khun Ka Ribhoi kiba don ha pdeng jingpynkreh naka bynta ki Examination ba pher ba pher ban minot khop,, khnang ba ka lawei jongphi bad ka Jaitbynriew kan long kaba khraw. Bah Lambo Thangkhiew.KHNAM Ri Bhoi Convener.

 

 

 

 

What Next?

Recent Articles

Leave a Reply

Submit Comment
*