Ai jingiaroh ka KSU ia ka Kong Claudia, ANTF halor ka jingioh kem ia ki snar khaii drok

Shillong, Nailar 22: Ka Khasi Students’ Union (KSU) lyngba kane ka kyrwoh ka ai ka  jingiarioh bad ka jingkyrshan kaba pura ia ka tnad pulit khamtam hapoh  East Khasi Hills ha ka jingialam jong i Superintendent Of Police ba  mynta i kong Claudia Lyngwa halor ka jingtrei borbah jong ki ban teh  lakam ia ka jingrung kyrthep u drok shapoh ka jylla.

Ka seng ka  sngewtynnad ba ha kane ka kynti kaba mynta ka tnad pulit lem bad ka  Anti Narcotics Task Force (ANTF) ki la ioh ban kem ia ki nongkhaii  drok kiba snar bad ha kaba ka jingioh kem ia une u jingdih ba shyrkei  ruh ka la long kaba bun.

 Ka KSU kum ka seng kaba la leh pyrshah ban  pynduh jait ia ka jingrung jong une u jait jingdih naduh u snem 1994  bad haduh kane ka khyllipmat kaba mynta ka ai mynsiem ia ki bor pulit  ba kin iai trei borbah shuh shuh ban kem ia ki snar khaii dork kiba  hajrong duh tad haduh ba une u jait jingdih un duhjait bad ym ioh rung  khlieh shuh ha ka jylla Meghalaya.

Ka KSU ha ka jingiaid lynti ka jong ka ban iakhun pyrshah ia u drok ka  la shem ba ha kine ki khyndiat snem ba la dep u drok u la suhthied  syndet syndet ha ki khun samla ha sor Shillong bad mynta u la suhthied  
ruh wat shaduh ki shnong ba long nongkyndong.

Ka daw tynrai hi ka long  ban naduh ba la jyllei ka jingdih drok ha sor Shillong ym ju don ki  snar nongkhaii drok kiba shah kem hynrei kiba shah kem hi ki bun beit  kito kiba die khutia mutia hapoh 1 gram bad ki nongpyndonkam ia u  drok.

Shuh shuh ka seng ka la shem ruh ba kham bun hi ki samla kiba la  kyrni ia u drok ki ju pyngngop ia ki paralok bad ki khynnah ba kham  rit ban mad ia drok khnang ba kin ioh ban die kylla ia u drok ha ki  ynda ki la kyrni. Kane ka jingthmu ka long beit tang ban kamai pisa  khnang ba kin ioh bai drok ia lade.

Ka seng ka shem ruh ban mynta ha ka jingiakhun pyrshah ia u drok la  shimti da kiba bun ki kynhun naduh ki Dorbar Shnong, Ki Seng Samla, ki  sengbhalang bad kumta ter ter kumba la jia ha ka shnong Lapalang ba ka  
poi haduh u pud ba ki longkmie jong katei ka shnong ki la pynap shrip  ban ioh kem hi ia ki nongkhaii drok.

Hynrei ki bor kiba biang eh ban  teh lakam bad pynduh jait ia u drok ka shong eh ha ki bor sorkar bad  ka seng ka shaniah skhem ba ha kane ka kynti kaba mynta ka tnad pulit  kan lah ban pynduh jait ia u drok lyngba ka jingiatrei lang jong kiba  bun balang. La ong u samla Donald V Thabah General Secretary ka seng KSU ha ka kyrwoh kaba la phah mynta ka sngi.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet