Shillong, Jymmang 23: Ka Khasi Student’s Union Mawkynrew Circle ka pynpaw ka jingiaroh iaka sorkar Jylla ba kala thung pura ia u Block Development Officer da u ophisar MCS. Ka Mawkynrew C & R.D ka dei ka wei naka ki block ka Jylla kaba dang sahdien ha ki kam pynroi ha bun ki liang.
La bun tylli ki snem ka sorkar Jylla kala thung ia ki BDO jong ka Block daki ophisar ki ba wan naki department bapher bapher bad ka Block ka la ioh ban mad da ki ophisar MCS tang ha u snem 1987 bad 1989, hadien 29 snem mynta ka block kala ioh biang ia u ophisar MCS.
Da kane ka jing iohi jngai ka sorkar Jylla iaka jingdon kam kane ka thaiñ la sakhi ruh ha ki kam ba paw shabar ha ka jingstet ki kam bapher bapher kiba don ha kane ka Block. Ka jing shimkhia ki briew ba trei ha kane ka block kala wan rah ruh iaka jingkylla haki rukom treikam haki shnong bapher bapher jong kane ka thaiñ bad kala pynlong ruh iaki paidbah ban phaikhmat bad shahniah ia kane ka ophis.
Ha kine ki khyndiat por bala leit la bun ka jingpyn sngew thuh bakla daki riew shim kabu haki bynta ba harukom,daka jingtrei shitom ki nongtrei jong ka ophis, ki la lah ban pynduna ia kane jinghikai bad pynsngew thuh bakla ia ki paidbah. Kane ka jingtrei shitom ki briew sorkar kala wan rah iaka jingiaid beit iaid ryntih haki kam bapher bapher ha shnong ha thaw, kaba la wan rah ki jingmyntoi iaki ba bun balang.
Kum ki khun samla jong ka thaiñ ka Khasi Student’s Union Mawkynrew Circle ka iohi iaka jingmyntoi kaba bun haba ki ophisar kiba shem phang ki long kum ki Block Development Officer jong ka Block. Kane ka Block ka dang don kam shibun iaka jing trei ba radbah, shemphang bad buit thymmai ki ophisar bad ki nong trei jong ka Block.
Kumta ka seng ka kyrpad iaka Sorkar Jylla ba kan shimkhia ban bteng ban buh ia u/ka BDO ha ka Block Mawkynrew naka por sha ka por da ki MCS ophisar khnang ba ki kam pynroi bad ki kam babha kin nang iaid sted ha baroh ki liang, la ong u Bah Michael Lawai President ha ka kyrwoh kaba la phah mynta ka sngi.
