Ai jingithuh ka “Smart Charitable Trust” ia ki pulit ba pyndep hok ha ka kam pyniaid kali

Shillong, Jylliew 12: Ka  “Smart CMeg Policeharitable Trust” mynta ka sngi kala pynkup burom ia ar ngut ki pulit pyniaid kali kiba la trei shitom ha kaba pyndep hok ia ka kam ha kaba pyniaid ia ki kali bad kito ki long u Inspector David R Marak ba dei peit ia ka Lumdingjri Traffic Branch bad u  Sub-Inspector Krishna Kumar Ruchal jong ka Sadar Traffic Branch.

Kine ki ar ngut ki pulit kila ioh ia ka khusnam “Best Shillong Traffic Policemen Award”  na ka bynta jong u snem 2018 . La ai ha ki ia ka Certificate jingiaroh ki khusnam bad ka pisa T.7000/- tyngka.

Ia kane ka rukom pykhrat la leh da ka tei ka Trust hapoh ka jingialam jong u Prashnat Naik u IAS ophisar ba la shong thiat jong ka jylla Meghalaya. Ka jingthmu jong kane ka Trust ka long ban ai ka jingithuh ia ki riew paidbah kiba la trei shitom na ka bynta ka imlang sah lang.

Ha kane ka sngi ba ai ia kane ka khusnam la don lang u Dr. S.B. Singh, IPS, Director General of Police, Meghalaya, u Davis. N.R. Marak, IPS, Superintendent of Police, East Khasi Hills, Shillong, u K. Prasad, MPS, Addl. Superintendent of Police (HQ), East Khasi Hills, Shillong, u D.K. Prasad, MPS, Dy. Superintendent of Police (HQ), East Khasi Hills, Shillong ha ryngkat ka jingiadon lang kiwei kiwei de ki ophisar. Kane ka jingai khusnam ka long ban ai mynsiem ia ki pulit pyniaid kali ba kin shim khia ia ka kam kaba la pynshed ha ki.

 

 

What Next?

Recent Articles

Leave a Reply

Submit Comment

*