Shillong, Lber 06: ia ka NEIGRIHMS mynta la ai jingithuh kum ka jaka ai jinghikai ha ka “International Network of Institutes for Medical Ethics Training” da ka UNESCO ha ka liang jong ki kynja dawai kynbat bad ha ka juh ka por ba kin buh ia ka jingpule ha ka liang pule doctor haki jaka ai jinghikai ha ki jaka pule doctor ha ka pyrthei.
Ia ka jingai jingithuh ia kane ka jaka ai jingsumar jong ka sorkar pdeng kaba don ha ka jylla Meghalaya da ki heh jong ka UNESCO kan long ha ka 11 tarik mynta u bnai ha poh jong katei ka Hopsital. Ka tnad pule puthi jong ka UNESCO Chair haka kyrdan pule “ Bioethics Haifa’s 3T-Integrated Bioethics in Health Sciences (3T-IBHSc) Course na ka bynta kiba pule doctor ha ka liang jong ka tnad, Dental bad ki jinghikai ba kyrpang.
Ha kane ka jinghikai kaba lai sngi lynter la pynsngewthuh ia ki nongwan ia shim bynta ha kane ka jinghikai ba kin sngewthuh bniah ia ka rukom pule da kaba pynneh pynsah ia ka jingdon jingem ha ka liang jong ki dawai bad ia kane la batai da ki stad kiba la pyntbit kyrpang ia lade bad na ka liang jong ka NEIGRIHMS kan ia leh ban ia shim bynta ha kaba pynioh ia ki nongai jingsumar ia ki briew ha ka koit ka khiah ha kane ka thain.
