Shillong, Naiwieng 04: Ka long ka sngi 
sah kynmaw na ka bynta ka Tirot Sing Memorial College ha Mairang ha kaba u myntri rangbah jong ka jylla u Dr Mukul Sangma I la ai ka jingkren sha ki samla pule jong kane ka college ha ka taiew leh kmen ka jong ki. Ha ka jingkren jong u myntri rangbah u la pynshlur ia ki ba kin ia shim bynta ha kum kine ki jingleh kmen ba kin lap ia ka sap ka phong kaba ki don.
Ha ka jingkren jong u myntri rangbah u la ban jur ba ka sorkar ka kwah bad thrang ban wanrah ia ka rukom ai jinghikai kaba bha tam sha ki samla pule jong ka jylla bad u la ong ba kumno ka jingpule ka lah ban pynlong ia ki ba kin ioh ia ka kam ka jam ha din ba ki la pyndep ia ka jingpule ka jong ki.
Ha kane ka jingkren jong u Dr Mukul u la pyntip paidbah ruh ba ka sorkar kala wan rah ia ka jingkylla ha kaba ia dei bad ka rukom pyniaid ia ki college ha ka jylla, ha kaba ka sorkar ka pynslur a ki college kiba yn ia peit lang ha pdeng ka sorkar bad ki paidbah bad kajingthmu ka long ban pynlong ia ka jylla Meghalaya ka pdeng jong ka pule puthi.
U Myntri rangbah u la ong ba ai ki jaka pule ha kane ka jylla kin khring ia ki samla pule na kiwei ki jylla jong ka Ri India ba kin wan pule sha kane ka jylla bad kane kan ialam sha ka jingkiew jong ka jylla ha ki ba bun ki liang. Ha kane ka sngi na ka liang jong ka Dr PR Lyngdoh kala ai ia ka memorandum sha u myntri rangbah ka jylla.
Kiwei kiba la ia don lang ha kane ka sngi ki long u MLA jong ka Mairang u Bah Metbah Lyngdoh, ka Deputy Chairman ka State Planning Board ka
Dr. Eureka F P Lyngdoh, U Syiem jong ka Hima Nongkhlaw, Pa’iem Phrestar Manik Syiemlieh bad u Deputy Commissioner jong ka West Khasi Hills Arunkumar Kembhavi.
