Shillong, Kyllalyngkot 04: u Bah Andrias Lyngdoh Secretary jong ka hima Langrin mynta ka sngi u la ong, kum ka hima kala ai ka jingkyrshan ia ka KHADC kaba la wengnoh ia u Acting Syiem jong ka hima u pa,im Nongtei Singh Syiemiong na ka kam syiem.
Haba kren ha ki nongthoh khubor mynta ka sngi ha Shillong Press Club, u bah Andrias Lyngdoh u ba bat ruh ia ka kam kum u Secretary jong ka hima u la ong, kum ka hima ka ai ka jingkyrshan ia ka KHADC kaba la sngap ia ka jingud jingnam jong ki paidbah ban weng noh ia u Syiem ka hima.
Ka jingweng noh jong ka KHADC ia u Syiem jong ka hima ka long ba u khlem pyntrei kam ia ka jingbethah jong ka KHADC katkum ka jingbethah hapoh ka sanad katkum ka ain jong ka hima kaba la shna ha u snem 2007.
Kiwei pat ki jingkynnoh kiba la pynlong ia ka KHADC ba kan weng ia u Syiem ka long ba, u la pyrshang ban pynbeit ia jaka khlem da kynjoh ktien lang bad kane kala buh ka jingeh ia ki paidbah bad ha ka juh ka por u la pyrshang ban thung ia ki rangbah shnong khlem da khot da ka dorbar bad la weng ruh khlem da pyntip bad bun kiwei kiwei ki daw.
Na ka liang jong ka hima ka ai ka jingkyrshan ia ka KHADC kaba la lah ban weng ia u Syiem jong ka Hima u ba la pyrshang ban synshar dorbar ia ka hima kumba ka paw na ka jingleh ka jong u ha kaba u la pyrshang ban shimia ka jaka jong ka hima kaba long pyrshah ia ki riti dustur jong ka Hima.
Kiwei kiba la kren mynta ka sngi ki long u bah Boldestar Syiemiong u ba la shah thung kum u Acting Syiem jong ka hima, u la ong ba kala don ka jingleh donbor ban phah sain sha ki paidbah ia kaba kim tip ia kaei ka nongrim, ia ka dorbar la pynlong ha ka 20th Nailur 2011 ia kaba lim tip. Na ka liang jong ka hima ka ai ka jingkyrshan ia ka jingweng noh ia KHADC ia u Syiem.
