Jowai, Kyllalyngkot 06: ka KSU Jaintia Hills District Unit da kawei ka jingmut ka la Rai ban ai ia ka jingkyrshan ba pura ia ka NESO ha ka jingiadei bad ka jingiakhih kaba la khot ha ka sngi ba ar Kum ka dak ban pyrshah jingthmu jong ka Sorkar Kmie ban pyn long ain ne pyntreikam ia ka Citizenship Amendment Bill 2016.
Ka Seng hi ha ka jingiadei bad Kane ka bynta la ju kren ne pynsngew na ka por Sha ka por Sha ka sorkar, hynrei kaba sngew lyngngoh pat ba ka sorkar kmie na Delhi lyngba u Prime Minister ba don burom u la kwah ban pynlong ain jubor ia Kane ka ain khlem da pyrkhat sani ia Kum ma ngi ki rit pait ha Kane ka Jylla bad ka thain lam mihngi baroh kawei.
Ka Seng ka dap da ka mynsiem ba sngew khia Lada ia kane ka Bill yn pass ha poh ka Ri India namar lada kane ka Bill ka treikam khlempep ma ngi ki nongriewlum rit pait hangne ngin kylla long nongtongum ne Nongthoh dieng Jong u Nongwei hala ka ri la Jong.
Kumta ka KSU Jaintia Hills District Unit ka khot ka ia wer ia ki paradoh parasnam hapoh ka thain Jong ngi bad kumjuh ha baroh kawei ka bri U Hynniewtrep ban ia ieng tylli kawei khamtaam ban ia snohkti lang hakane ka jingiakhih khnang bakan long kaba jop. Kane ka long katkum ka Kyrwoh bala pyllait Da U Samla Ohibait Dkhar President KSU Jaintia Hills District Unit.
