Ai jingkyrshan u Bah Paul shilak tyngka ia ka skul Mohan Massar UP Skul ha Mawprem

Shillong, Jylliew 14: Ka principal jong ka Mohan Massar UP School Mawprem, ka kong Grace M Lyngdoh ha ka jingkren jong ka ha ka jingplie ia ka iing skul kaba thymmai kaba la bei pisa na ka Round Table India, kala kyrpad ha kane ka jingialang ia u MLA bad ia u MDC ba kin ai jingkyrshan lang ia kane ka skul.

Ha ka juh ka por kala kyrpad ia u myntri rangbah ka jylla u Conrad K Sangma u ba la wan ban plie ia kane ka skul ba ka sorkar kan ai jingbit ia kane ka skul ba kin plie noh ia ka Secondary hapoh kane ka skul ynda kila lah ban pyndep ia ka jingtei ia kane ka iing skul kaba thymmai.

La iathuh ba ia kane ka skul la seng ha u snem 1965 da u Bah Mohan Massar bam kwai ha dwar u blei, hynrei namar ba kane ka skulk ala jop palat la dune ki wan ban rung skul ha kane skul da ka jingioh ia kane ka iing kaba thymmai kyrmen ba ki khynnah kin sa wan ban rung ban pule ha kane ka skul.

Ha dien ba la wai ia ka jingialang na ka liang jong u Bah Paul Lyngdoh MDC jong kane ka jaka u la ai da ka “Cheque”  shilak tyngka sha ka Principal jong kane ka skul, kum ka jingiarap lem na ka bynta ka jingtei ia kane ka skul kaba dang sah ka bynta kaba ar, ha ka jingdon lang u myntri rangbah ka jylla u Cornad K Sangma.

 

What Next?

Recent Articles

Leave a Reply

Submit Comment

*