Shillong, Naiwieng 04: Mynta ka sngi ki nonghikai ki la ai katto kat ne ki jingai jingmut sha ka tnad pule puthi, ha kaba
ia dei bad ka eksamin SSLC bad HSLC kaba juh pynlong ha u bnai Rymphang dei ban pyllong noh u u bnai Jymmang 2021 kum ba long lem kiwei ki eksamin jong ka sorkar pdeng.Kane ka jingai jingmut ka long ba ki nonghikai kin ioh ban pynkhreh ia ki khynnah bad kum juh ki khynnah ruh kin ioh ban pynkhreh.
U Babu Kular Khongjirem haba kren ha ki lait pathai khubor ha dien ba la ia kren bad u principal secretary ka tnad pule puthi la iathuh ba ki la ai jingmut ba ia kito kiba ia leh ia ka SSLC slektion na ka bynta ki private Candidate ka sorkar kam dei shuh ban pynlong na ka bynta ka jong ki namar ia ka selection na ka bynta jong ki ka juh pynlong ha u Nailar hynrei mynta la poi haduh u Naiwieng.
La ai jingmut ruh sha ka sorkar ba baroh kito ki samla pule kiba phail ha ka selection test kiba la ia leh ha u snem 2019 ki dei ban ioh ban ia leh ia ka eksamih phainal ka ban long ha u snem 2021. Na ka bynta kito ki khynnah skul kiba la iathuh bad ki bym pat ithuh da ka sorkar kine ruh ki dei ban ioh ban ia leh beit ia ka eksamin phainal.
Ia kane ka jingjia baroh ym dei ban kynnoh ia ki nonghikai ba kimioh ban hikai hynrei na ka daw jong ka jinglong ka mariang mynta u snem dei na kane ka daw ba ki la ai jingmut sha ka sorkar ba kin shah ia ki ban ia leh ia ka eksamin jong ki khlem da thoh ia ka selection test.
Haba ia dei bad ka jingkiew jinghiar jong ki khynnah ban pass ne ban phail ym lah ban ong namar ba la pynlait lut, hynrei ha ka juh ka por la ai jingmut sha ka sorkar ba ia ka eksamin SSLC bad HSLC kim dei pat ban ia pain ha kaba korek ia ki kot thoh eksamin.
Haba ia dei bad ki khynnah pule kiba naduh klass A haduh klass IX dei ban pyn pass beit ia ki mynta u snem khlem da buh kano kano ka kyndon, namar kane kam dei na ki khynnah skul hynrei dei na ka mariang kum ba leh ha kiwei ki jylla.
U Bah Kular Khongjirem u la ong ba kane ka long tang ka jingai jingmut, hynrei ka shong ha ka sorkar bad ka tnad ka koit ka khiah ban shim ia ka rai namar ba bun na ki kmie ki kpa ha kane ka nongbah Shillong kim pat phah ia ki khun namar kumba ka long tang khyndiat kiba wan sha ki skul wat la ka sorkar kala shah ia ki ba kin wan.
