Ai jingmynjur ki kur ia ka KHADC ban wanrah ia ka “Clan Bill” ha poh iing dorbar

Shillong, Naiwieng 13: Ki nongialam kur na kylleng ka Ri Khasi mynta ka sngi kila ia poi ban ia shim bynta ha ka jingialang bala khot da ka KHADC ban ia kren halor ka Khasi Hills Autonomous District (Khasi Social Custom Clan Administration) Bill, 2018.

Haba kren ha ki lad pathai khubor ha dien ba la kut ka jingialang na ka liang jong u CEM jong ka KHADC u Bah HS Shylla u la ong ba na ka liang jong ki kur kiba la ia poi sha kane ka jingialang kila ai ka jingkyrshan ia ka KHADC ban wan rah ia kane ka Bill na ka bynta ban ithuh noh da ka ain ia ki dorbar kur.

Haba jubab ia ki jingkylli na ka liang jong u CEM jong ka KHADC u la ong ba, ynda kane ka Bill ia kaba ka EC kand ang wanrah hapoh ka iing dorbar ia kaba yn sa pdiang ia ka, ynda kala long ain baroh ki kur ki dei ban register ia ka kur hapoh jong ka KHADC.

Ha kane ka jingialang na ka liang jong u CEM u la iathuh ba kala don ka jingiakren ha kaba ia dei bad ka jingspek dak ia ka jait bad ka dei ban long beit da ki dak khasi, kiba la spel dak da kiwei ki dak dei ban pynbeit . ka jingshim jaid ka dei ban long beit na ka kmie, ia kane la ia kren ha kane ka jingialang mynta ka sngi.

What Next?

Recent Articles

Leave a Reply

Submit Comment

*