New Delhi, Naiwieng 02: U President jong ka Ri India u Ram Nath Kovind mynta ka sngi u la ai ia ka jingmynjur ka jong u ia ka Companies Amendment (Ordinance), 2018 kumba la phah da ka Union Kabinet kumba la phah da ka kommittee bala thung da ka sorkar pdeng ban peit bniah biang ia ki kyndon ba pynkhein hapoh jong ka Companies Act 2013.
Ka jingthmu jong kane ka ordinance ka long ban kyntiew bad ban pynsuk ia ka jingtrei kam ha ka khaii pateng, ki jingpynkylla kiba kham kongsan ha kane ka ain ki long, ban rah noh ia ki 16 tylli ki kyndon lada ki kompeni ki pynkhein ia ki kyndon ain na ka iing bishar kaba kyrpang sha ka jingiapynbeit ia kaba la lah ban leh bad kane kan pyndun noh ia ka jingtrei kam jong ki iing bishar ba kyrpang da 60% bad ka iing bishar ka lah ban kham peit bniah ia ki kompeni kiba pynkhien ia ki kyndon kiba kham sherkhei. Da kane ka jingpynkylla na ka kyndon kaba 18, kan poinoh sha ka kyndon kaba 34.
Ka kuna na ka bynta ki kompeni kiba rit, lane ka kompeni ba pyniaid tang da u wei u briew kan long noh mar shiteng kaba long ia ki kompeni kiba heh. Ban pynlong ia ki kompeni ba kin buh ia ka jingtrei kam jong ki ha ki website ia kaei kaba ki pynmih paidbah. Ban pynkhlain ia ka bor ha kaba ia pynbeit ba lah ban leh bad kaba ki hap ban but ryntih ki kompeni.
Ban pynbeit ia ki jingeh la pynkiew ia ka bor jong u Regional Director na ka T. 5 lakh sha ka T.25 Lakh hapoh ka kyndon 441 jong ka ain. Ia ka bor ban pdiang ne pynkylla ia ka jingtrei kam jong ki kompeni hapoh ka snem mang tyngka kan long ha ka sorkar pdeng hapoh ka kyndon 2(41) bad ban ai bor ia ka sorkar pdeng ban pynkylla ia ki kompeni jong ka sorkar sha ka kompnei jong ki riew shimet.
Ka jingai jingmut sha ka sorkar ha kaba ia dei bad ki kompeni ka long ba dei ban pyntrei kam biang na ka bynta ki kompeni ba myno ki sdang ia ka jingtrei kam kane ka long ban khanglad ia ka jingmih jong ki kompni kiba dei ki shnat jong ki kompeni bad kaba kham kongsan ka long ia kito ki kompni kaba ki paidbah ki kynshew pisa bad ki kompeni bym buh ia ki jingkhein jingdiah kiba biang ki sah pynduh ia ka register jong ki bad ia ki director la khang ba kin bat kam palat ia ka por kaba la buh.
