Ai jingthoh kiba ha iing ban pynsangeh noh ia ka jingwad ia kiba khlad ha krem dewiong

Shillong, Iaiong 20: Na ki 15 khatsan tylli ki long iing kiba la duh ia kiba ieit ba thoin ha ka jingtwa ka krem dewiong ha Ksan ha East Jiantia Hills District, khyndai tylli ki long iing kila phah da ka jingthoh sha u Deputy Commissioner ban kyntu ia u ban sangeh noh ia kane ka jingwad ia kiba la khlad noh ha kane ka jingjia kaba sngewsih.

Katkum ki thymmei khubor kiba u SP News Agency u la ioh, la iathuh ba kiba ha iing ha snem jong ki khyndai tylli ki long iing kila phah da ka jingthoh sha u Deputy Commissioner jong ka East Jaintia Hills District u Ban kyntu ia ki bor jong ka sorkar ba kin pynsangeh noh ia kane ka jingwad ia ki kaba dang beteng haduh kine ki sngi.

Katkum ki jingtip kiba la ioh la ong ba kine kiba ha iing kiba la phah ia ka jingthoh ki long lai tylli ki long iing ki dei kiba na ka shnong Luthari bad hynriew tylli ki long iing ki dei kiba na Assam. Ia ka jingthoh ka jong kine ki khyndai tylli kiba ha iing la don mynta bad u DC jong ka East Jiantia Hills District. Na ka liang jong u DC u la phah ia kine ki shithi kiba la ai da kiba ha iing baroh sha ka sorkar.

Ban pynkynmaw ba ha kane ka jingjia kaba sngewsih ha ka jingtwa ka krem krem dewiong ha Ksan ka sorkar kala ioh jingkhien ba baroh kiba la duh ei ia la ka jingim ki long khatsan ngut bad haduh mynta la ioh ban sei ar ngut. Na ka liang jong ki bor sorkar katkum ka hukum jong ka iing bishar kaba ha khlieh duh jong ka Ri India ki dang beteng ia ka jingwad ia kine ki briew kiba la la khlad ha poh kane ka krem dewiong.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet