Ai jngkymren ka Chief secretary ia ki nonghikai Defcit  ban ioh ia ka bai bam tynmehn: Kular  

Shillong, Naiwieng 15: Mynta ka sngi kala don ka jingiakynduh hapdeng ki nonghikai na ka seng Deficit School Teachers Association jong ka jylla Meghalaya bad ka Chief Secretary ka jylla ka kong Rebecca Suchiang ha ka jingiadon lang u additional Chief Secretary u bah DP Wahlang bad u Ambrose Ch Marak ban ia kren ia ki kam jong ki nonghikai Deficit School.

U bah Kular Khongjeerem president jong ka seng ki nonghikai Deficit haba kren ha ki lat pathai khubor ha dien ka jingialang bad ka sorkar la ong ba ka jingiakren ka long ba sngew tynnad namar ba kila kren nyngkong ia ka baibam tynmen jong ki nonghikai Deficit namar kim ioh ia kane ka bai bam tymmen.

Ha kane ka jingiakren ki nonghikai kila kyntu ia ka sorkar ba ka dei ban pynioh ia kane ka bai bam tynmen ia ki nonghikai namar ki nonghikai kila ai ka jingshakri ia ka jylla palat ia ka 35 haduh 40 snem ruh ha kane ka kam hikai hynrei haba ki shong thait na ka kam ki shong thylli.

Ha kane ka jingiakren na ka liang jong ka Chief Secretary kala sngap ia kane ka jingkyrpad bad kila ong ba kin sa shim ia kane ka jingdawa jong ki nonghikai bad ha kane ka jingialang kila ia kren ruh halor ka DCRG kaba ki nonghikai ki dei ban ioh namar kumba ka long mynta ki ioh tang 3.5%.

Ka Third Pat Commission kala ai ia ka jingmynjur, hynrei ki kkholem ioh pat ia ka Fourth pay Commission bad kane kila ai ia ka jingmynjur ba dei ban pynkiew ia ka DCRG sha ka T.10 lak tyngka bad kane kaba ki nonghikai ki kyrpad ia ka sorkar ba kan ai lem ia kane sha ki nonghikai halor kane ka sorkar kan sa jubab sha ki nonghikai Deficit namar kane ka jingdawa ka long kaba dei hok.

Ha kane ka jingialang la ia kren ruh ha kaba ia dei bad ka tulop jong ki nonghiaki, ia kaba ka sorkar kala juh kren ban siew man la u bnai hynrei kane haduh mynta kam pat urlong wat la kala on ka jingkular hynrei ki dang kynduh jingeh ha kaba ia dei bad ka tulop jong ki ha kane ka jingiakren ka sorkar ruh kan ialeh an siew ia ka tulopha ka por ba biang.

Ka jingiakren mynta ka long ka long ha kaba ia dei ruh bad ka jingsiew ia ka bai dawai  bun na ki nonghikai ki don ha pdeng ka jingshitom dei na kane ka daw ba ki kyntu lem ia ka sorkar ban leit sha sumar wat sha bar ka jylla ruh kane kaba kila kren mynta ka sngi ha kane ka jingialang.

Ha kane ka jingialang la ia kren ruh ia ka ACS kane ka long na ka bynta kito ki nonghikai kiba khlem ioh kiew kyrdan ha ka kam hikai kum ki Vice Principal lane ki Principal hynrei ia kum kine ki nonghikai kiba la trei da ki bun phew snem dei ban kyntiew ia ka tulop.

Bun na ki nonghikai ki rung ha ka kam kum ki nognhikai ha ka kyrdan Assistant Teacher bad ki shong thait ruh ha ka juh ka kyrdan kaba ki rung, kane ka dei ka jingiakren kaba kila kren shai bha ha kan ka jingiakren bad ka sorkar mynta ka sngi.

La iathuh ba kumba ka long mynta ki nonghikai Deficit ha ka jylla baroh kawei ki don kumba 3000 ngut , kane ka kyntup ia ka jylla baroh kawei,ha kane ka sngi kila ia kren ruh ia ka tulop kaba dang sah namar kila ioh tang ia ka bhah kaba nyngkong bad kaba ar  hynrei ia kaba lai kim pat ioh ia kaba la tip kum ka arrear.

 

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet