Shillong, Naitung 13: Ka Deputy Commissioner jong ka East Khasi Hills District ka kong Matsiewdor N War mynta ka sngi kala ai ia ka jingujor ejahar kumba la bthah ka sorkar pyrshah ia kiba leit iathoh shongkurim ha Greenwood Resort ha Assam ha u Superintendent ki pulit ka East Khasi Hills District u Bah Sylvester Nongtynger.
Haba iathuh ha u SP News Agency ka Deputy Commissioner jong ka East Khasi Hills District kala ong ba kala dep ban ai ia ka ejahar mynta ka sngi sha u Superintendent ki pulit jong ka East Khasi Hills District.
Ban pynkynmaw ba ka sorkar kala shim ia ka rai ban ujor da ka ejahar pyrshah ia ki 41 ngut kiba leit ban iathoh sha Greenwood Resort ha Assam kyntuplang ia ki nongiathoh, ia kane ka rai ka sorkar kala shim ia ka rai ha dien ba kala ioh ia ka kaiphot na ki DC jong ki ar tylli ki District ka East Khasi Hills bad Ri Bhoi District.
U Symbut Myntri Rangbah ka jylla u Bah Prestone Tynsong u la ong ba ia kane ka kam ban ujor ia ka ejahar pyrshah ia kitei ki briew la aiti sha ka DC jong ka East Khasi Hills District bad ka DC jong ka East Khasi Hills District kala leh katkum ka jingbthah jong ka sorkar.
