Ai ka Election 2018 kan wanrah ia ka sorkar kaba lait na ki jingbamsap: BJYM

BJP MeghalayaShillong, Nohprah 03: Ka BJYM ka shnat jong ki samla ka seng BJP mynta kala sam mitmit ia ki paidbah ba iaid ba ieng ha Khyndailad ban leh kmen ia ka jingjop jong ka seng BJP ha ki Election Municipal kiba la long ha Utter Pradesh ha kine ki sngi.

Ka seng BJP ka shim ba kane ka jingjop jong ka party ka long ba ki paidbah jong kane ka Ri India ki don ka jingshaniah ha ka seng BJP ban wanrah ia ka jingkylla ha ka roi ka par ha kane ka Ri India baroh kawei.

Kum ka party ka long kaba la khreh na ka bynta ban ia khun ia ka elekshon kaban long ha u snem 2018, na ka liang jong ka seng ka don ka jingkyrmen ruh ba ka seng BJP kan sa ioh ban thaw ia ka sorkar na ka bynta ka roi ka par jong ka jylla.

Ka jingkwah jong ka seng ka long ba ai ki paidbah jong kane ka jylla kin ai ka jingkyrshan ia ka seng BJP na ka bynta ban wanrah ia ka roi ka par bad ha ka juh ka por ban wanrah ia ka jingialang kawei jong baroh ki jaid briew khlem da don kano kano kajingleh shiliang, ong u Bah Egenstar Kurkalang President BJYM Meghalaya.

 

What Next?

Recent Articles

Leave a Reply

Submit Comment
*