Shillong, Nailar 11: Ka iing bishar jong Chief Judicial Magistrate, Tura mynta ka sngi kala ai ia ka rai ban ailat ia ki pulit ba kin tohkit 6 sngi ia u Bernard N Marak halor ka jinglap ia ki tiar pynbthei na Edenbari Resort ha ka por ba ki leit ban khynra ia katei ka jaka.
Kane ka jingaibor ka iing bishar ia ki pulit ban tohkit ia u Bernard sa 6 sngi ka long halor ka jinglap ia ki tiar pynbthe bad tiar siat na katei ka jaka bala kam ba dei jong u Bernard kaba ki pulit kila khynra ha dien ba la kem ia u.
Lah ban pynkynmaw ba ki pulit kila kem ia u Bernard halor ka jingshah kynnoh ba u don kti ha kaba ia dei bad ka jingpyndon kam ia katei ka Edenbari kum ka ktem ki kam awrai bad ki pulit kilaioh ruh ban kem 73 ngut ki briew kynthup ia ki nongpyniaid katei ka jaka.
Haba ki pulit kila bthah ia u Bernad ban aiti sha ki pulit la phet bad la ioh ban kem na Utter Pradesh bad la wan biang sha ka jylla Meghalaya bad hadpeng ka jingtohkit ki pulit kila leit ban khynra biang ia katei ka jaka bad la lap pynban ia ki tiar pynbthei bad tiar siat.
Ka jingkem biang ki pulit ia u Bernad N Marak dei halor ka jingioh ia ki tiar pynbethei bad tiar siat bad ka iing bishar jong ka CJM ruh kala ai 6 sngi ia ki pulit ba kin tohkit kan long halor ka jingioh kurup ia ki tiar siat.
