Ai  ka shnong Mawsawa san akar ban buh ia ka jaka ri sniang  leit jurip u bah Metbah

Shillong, Nailur 21: Ka jingpyrshang ban wanrah ïa ki kam pynroi kadei ka kamram jong manla uwei u nongmihkhmat bad dang shen u MLA ka Mairang konstitwensi, u bah Metbah Lyngdoh u la lah ban leit jurip na ka bynta ban wanrah ïa kawei ka skhim ka ban long ka jingmyntoi ïa kiba bun khamtam eh ïa ki samla kiba iit lad iit lynti ban ioh kam ïoh jam.

Kane ka jingmyntoi kaba dei ka jaka ri sniang kin sa iohpdiang kadei ka kam ri sniang (piggery farming) kaba la ïoh na ka skhim lyngba ka ministry of animal husbandry, dairy and fisheries bad ban khmih ban peit da ka tnat veterinary jong ka sorkar jylla.

Ïa kane ka skhim kaba kot kumba 4.36 klur tyngka kadei kaba la trei shitom ban pynkhreh bad pynbiang da u MLA ka Mairang uba long ruh u Lamphang ka ïingdorbar thawaiñ bad uba la lah ruh ban pynïoh ïa ka jaka kaba don haduh 5 acre hapoh ka shnong Mawsawa kaba don hajan Manai.

Kane ka jaka kadei kaba la ai sngewbha da u sordar jong ka shnong, u bah Lovingstar Mawlong hadien ka jingkyrpad bad ka jingïakren bad u bah Metbah uba long u nongmihkhmat katei ka konstitwensi.

Ha kane ka jingleit ban jurip ïa katei ka jaka la ïadon ryngkat u Engineer ka tnat Veterinary Bah L.W. Pariong, ka Sub Divisional Veterinary Officer, Dr. S. Tham bad ki rangbah katei ka shnong.

Haba kren sha ki lad pathai khubor ynda ladep ban jurip ïa katei ka jaka, u bah Metbah u la ong, kane ka jingpyrshang kadei kaba naduh ki snem kiba ladep hadien ka jingiohi jngai kaba la slem, ba ka rep ka riang ka long kaba donkam ïa ki paidbah.

“Nga ngeit ba lyngba kane ka skhim kan iarap shibun ïa ki samla kiba ïakynduh ka jingeh kaba khraw khamtam ha kum ka por ba ka pyrthei ka ïakren halor ka mat, ka jingbym ïoh kam,” ong u bah Metbah.

Ha kajuh ka sngi, u bah Metbah u la leit ruh ban jurip ïa ka projek jong ka tnat Fisheries kaba don ha Nongrangoi ban buh ïa ka Aqua Park ha ka jingdon lang ka Superintendent of Fisheries ka West Khasi Hills, kong Olda Khongngain bad kiwei kiwei ki riew rangbah.

Kiwei ki jaka pat kiba u MLA u leit ban jurip, kawei kadei ka Veterinary dispensary ha Dongki-ingding ha ka jingdonlang u Sordar ka Donki-ingding, bah Kresto Rapsang bad na ka liang u MLA u la ai khublei ïa u trai jaka bah L. Nongrang uba la ai sngewbha ïa ka jaka.

Na ka liang u bah Metbah u la pynsngew ruh ba ka jingsiew kylliang kan don ïa u trai jaka uba la ai sngewbha, da kaba yn ai ïa ka kam grade IV sha uwei na ki bahaiing hasem jong u, bynrap u MLA ka Mairang.

Kiwei ki jaka kiba leit jurip kadei ka jinhshna thymmai ïa ki footpath ha ka iew Lyngwa ka Scheme ka Tourism Dept kaba ha ka shnong Nongkhlaw ha ka jingdon lang u Syiem ka Nongkhlaw, Bah PM Syiemlieh ryngkat u Myntri ka Hima, Bah Brylin Nongbri.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet