Shillong, Jymmang 08: Ka sorkar Meghalaya lyngba ka tnad ka koit ka khiah kala pynkhreh ia ka “Home Quarantine Dairy” ia kaba la ai sha ki dorbar shnong bad kum juh sha kito ki trai jylla kiba la wan phai iing bad ia ki ban dang wan ha kine ki sngi.
Na ka liang jong ka sorkar kala phah ia kine ki Home Quarantine Dairy sha baroh ki Deputy Commissioner ban ai sha ki dorbar shnong ha kane ka jylla bad ha ki jaka rung kum na Ratacehra, Byrnihat, Bajengdoba bad na Titkrikilla ban ai sha kito kiba wan phai ngi kumno ban bud ryntih ha ki sngi kiba hap ban leh ia ka home quarantine haba ki don ha ki iing ki sem.
Ka jingsam ka sorkar sha ki dorbar shnong ia kine ki Home Quarantine Dairy ka long ba ha man la ki shnong la dep ban thaw ia ka Village Health Committee, ka shnong ruh ka hap ban bud runtih lada ki don kiba wan phai na sha bar hapoh ka shnong ka thaw bad kin hap ban pyndap ia kaei kaba la bthah.
Ha kane ka Home Quarantine Dairy la batai shai lada kiba wan phai sha ka jylla ha ki sngi kiba don hapdeng ka Home Gurantine ki don ne em ia ki dak ki shim kumba la batai hapoh ka Dairy ia kane ki hap ban pyndap man ka sngi haduh bad a kut ka 14 sngi lynter.
