Ai khublei “Behdeinkhlam” ba suk ba kmen ka KSU Jiantia Hills Unit ia ki paidbah

Shillong, Naitung 07: Ka Khasi Students Union Jaintia Hills District Unit (KSU JHDU),ka shim ia kane ka kabu ban ai khublei Behdienkhlam basuk ba kmen iaphi bad kumjuh ngi kitbok kitrwiang bad Khyrkhu khyrdoh ia phi ki khun ki hajar jong u ka Bri u Hynniewtrep Hynniewskum.

Na ka liang jong ka KSU Jaintia Hills Unit ka ong ba, to ai ba kane ka Behdienkhlam ka long shi bynta ba kum ka Jaidbynriew ka ju rakhe kaba mut ba un lah ban lait na ki Jingpang kiba bapher bapher jong kane ka phyrthei khamtam ha kaba lah ban beh khamkloi ia kane ne ka  khlam mynta uba la lynshop ia ka pyrthei hi baroh kawei u Corona virus ia uba latip kum u Covid- 19.

Ka KSU Jaintia Hills Unit ka  ngeit skhem ruh Lyngba kane ka Behdienkhlam kan long kum ka jingtehsong ban ia long shitylli kawei ka Jaidbynriew rit pait hapoh ka Bri u Hynniewtrep Hynniewskum, ha ka juh ka por ka seng ka kyntu  ki khun ki Hajar jong u Hynniewtrep Hynniewskum kin long kiba ieit iala ka jong ka Jaidbynriew.

Kane kan long ba khnang ba pyrthei baroh kan tip ba ka jaidbynriew kadei ka jaidbynriew kaba ia tylli ha baroh ki liang bad kadei ruh jaidbynriew kaba khliañ ha ka phyrkhat pyrdaiñ.

Ka seng ka kitbok kit rwiang Kyrpang ia ki khun jong ka senraij jowai ba kin dang lah ban dang iaid shakhmat ban pynneh pynsah ia ka leh niam ka leh rukom Khnang ba ka jaidbynriew kan im kan sah ha sla phyrthei.To ai ba U Blei u Trai kynrat Nongbuh Nongthaw un dang theh ia ki jingkyrkhu khyrdoh ban dang ioh ia ka koit ka khiah krad ha baroh ki liang, la ong u samla Ohibait Dkhar President.

 

 

 

What Next?

Recent Articles

Leave a Reply

Submit Comment

*