Shillong, Lber 06: Ka Khun Hynniewtrep National Awakening Movement Mawlai Constituency Committee bad kumjuh na ka liang jong u Kyrtong ka seng Bah BL Nongbri ka ai khublei ia baroh ki dkhot jong ka seng na duh ki dkhot ka constituency committee, dkhot jong ki unit bad sub-unit baroh kiba la treishitom met bad mynsiem ha kane ka election MLA ba la dep.
Na ka liang jong ka seng ka ai khublei kyrpang ruh ia baroh ki paidbah nongthep vote jong ka Mawlai kiba la ai ka jingkyrshan bad ruh ia ki khlemlah ban ai ka jingkyrshan iaka seng ha kane ka election, ai ba u blei trai kynrad un kyrkhukyrdoh ia phi baroh bad ia ka iing ka sem jong phi baroh la ong u bah Thomas Passah.
