Shillong, Lber 24: Ka KSU Delhi Unit ha ka 23 Lber 2023 ka la ioh ban leit ai khublei kyrpang ia I Bah Risingbor Kurkalang namar ka jingioh pdiang jong I ia ka Khusnam Padmashree na ka Droupadi Murmur President ka Ri India ha ka thup saindur ha ka Civil Investiture Ceremony.
Kane ka jingioh pdiang ia kane ka Khusnam ba khraw jong ka ri ka la long ka burom ia ka Jaitbynriew Khasi bad ia ka Jylla hi baroh kawei ong I Samla Marbiang Khongwir President ka Delhi Unit.
Ka Seng ka la kitbok ia I Bah Risingbor Kurkalang ba in dang ioh ia ka met ba koit ba khiah bad ban dang kiew irat ruh ha ka jingim ba man ka sngi. Kumban shu pyntip u bah Risingbor Kurkalang u dei u nongsaindur ba pawnam uba shna ia ki tiar put tiar tem tynrai bad u dei ruh u nongtem nongput uba tbit.
