Ai khublei ka KSU ia ki paidbah ka Bri Hynniewtrep halor ka shad Pomblang Nongkrem

Shillong, Naiwieng 06: Ka Khasi Students’ Union Nongkrem Circle  ka pdiang sngewbha bad ai Khublei ia baroh ki khun ka Bri U Hynniewtrep kiba lawan ban sakhi iaka Shad Pomblang ne Shad Nongkrem kaba la long ha Madan Ïing Syiem Sad ha Smit haka 6tarik bad 7tarik Naiwieng.

Kumta kum ka Seng hi kaba ju peit iaka bha ka miat haka Imlang ka Sahlang bad khamtam eh ban tehsong iala ki Para doh para snam bad ban Im laka Riti ka Dustur U mynbarim kaba ula ieh hangi ki long mynta bad ba ngin pyni bad pynsaphriang sha ka pyrthei baroh iaka jing iaka jinglong kyrpang jong ka.

Naka liang ka Circle ka da kyntu jur ia baroh kito kiba wan sha kane ka Shad Pomblang Syiem ba kin wan daka akor ka burom khnang ba kan rah biang iaka burom jong ka Jaidbynriew  kumba la bna nam ha satlak ka pyrthei.

ha ka juh ka por la kyntu ia kiba wan sha kane ka shad Pomblang ba kin ym bret pathar iaki song jingbam haba ki bam jingbam hynrei kin bret haki jaka ba dei khnang ba kan wanrah ruh iaka khuid ka suba.Kane ka long ka kyrwoh na u Samla Iaishah warkhyllew General secretary KSU Nongkrem circle.

What Next?

Recent Articles

Leave a Reply

Submit Comment

*