Jowai, Nailar 04: Ka Dorbar Shnong Nangbah ka khubor lyngba u Waheh Shnong Shri. T. Iongwai ka pynpaw ia ka jing sngew nguh shi katdei eh naduh ki Volunteers kiba long ki khun jong ka shnong kiba la ia mih ryntih lang ha ka jingadei bad ka jingjia ba sngewsih halor ka jing ngam jyllop jong u wei u khun samla jong ka shnong uba la ngam jyllop myn haka 02.08.2020 ha ka wei ka wah kaba ki khot ieit ka wah Myntang.
Ka Dorbar Shnong baroh ka wei ka pynpaw ruh ia ka jingkhublei kaba kyrpang khamtam ia ka Special Rescue Team bad ia ka Fire and Emergency Service bad kumjuh ruh ia ka Phramer Traffic Cell hapoh ka jingialam jong u SI Shri. A.R Marak Second incharge Phramer bad ka kymhun jong u.
Ha ka jingiadei bad ka jing wan iarap jong ki ba kila lah ban ioh sei ia katei ka na ka liang kong ka Shnong baroh kawei ka pynpaw ia ka jingsngewkmen kaba khraw ka long ba mar ba kila ia shim khia bad ka long ka jingjop bad la ioh ban pyndep ia ki kam ki jam,kum ka shnong ka iai kit bok kit rwiang ia ki pulit ha ki kam ki jam baroh.
