Shillong, Iaiong 12: U Myntri Rangbah ka jylla u Conrad K Sangma u la ai khublei ia baroh kiba la ia shim bynta ha kane ka jingduwai na kylleng ki Ri jong ka pyrthei, ki jylla bapher bapher jong ka Ri India bad kyrpang ia ki briew jong ka jylla kiba la ia snoh kit lang ha kane ka jingduwai.
U Myntri Rangbah ka jylla u la pynpaw ia ka jingsngewnguh ia baroh kiba la ia shim bynta ha ka jingduwai bad kane ka dei ka jingkyrkhu ia baroh namar kala wanrah ia baroh ki briew na baroh ki kynhun ban duwai na ka bynta ka Ri India bad kum juh ia ka pyrthei baroh kawei, u la pynpaw ia ka jingsngewnguh ia baroh kiba la pynlong ia kane ka jingduwai kaba jop.
Haba kane ka nongbah Shillong ki briew kila ia shim bynta da ka jingshit ryhem ban ia snoh kti lang bad u myntri rangbah ka jylla ban duwai ha kane ka sngi Pakskha da kaba thang ia ki mombati hala ki iing ki sem jong ki ban ia duwai bad ia rwailang ban duwai na ka bynta ka Ri bad ka pyrthei baroh kawei.
Kane ka jingiahim bynta ha kane ka jingduwai ka long na bun ruh ki jylla jong ka Ri India bad kum juh na kiwei ki ri jong ka pyrthei ban duwai na ka bynta ka Ri India bad ia ka pyrthei hi baroh kawei.
Ka jingrwai kaba la rwai ha kane ka sngi ia kaba la ialam da u myntri rangbah ka jylla Meghalaya ka dei “Amazing Grace” ha kaba la ia shim bynta lang da baroh kito kiba la ia snoh kti lang ha kane ka jingduwai.
